«Qazaeronavıgatsııa» RMK qyzmetterine jańa tarıfter bekitildi
ASTANA. QazAqparat - Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti «Qazaeronavıgatsııa» RMK-niń ishki marshrýttar boıynsha (QR sheginde) ushýlardy júzege asyratyn áýe kemelerine aeronavıgatsııalyq qyzmet kórsetý jónindegi qyzmetterine tarıfterdi bekitýge arnalǵan ótinimin qarady.
QR UEM Tabıǵı monopolııalardy retteý jáne básekelestikti qorǵaý komıtetiniń baspasóz qyzmetiniń habarlaýynsha, ótinimdi qaraý nátıjeleri boıynsha 2016 jylǵy 1 qańtardan bastap engiziletin aeronavıgatsııalyq qyzmetterge tarıfter málimdelgen 278 jáne 116%-dyń ornyna 20 jáne 17 %-ǵa ósken:
Kórsetiletin qyzmetter
Málimdelgen tarıf
2016-2020 jyldarǵa bekitilgen tarıf
eń aýyr ushý massasy 50-den 100 tonnaǵa deıin áýe kemeleri úshin áýe keńistiginde aeronavıgatsııalyq qyzmet kórsetý
278%
20%
áýeaılaq mańyndaǵy aeronavıgatsııalyq qyzmet kórsetý
116%
17%
«Qazaeronavıgatsııa» RMK-niń tarıfteri 17 jyl boıy ósken joq.
Kásiporyn úshin tarıfterdiń ózgerýiniń negizgi sebepteri: ınvestıtsııalyq baǵdarlamany iske asyrý; jalaqynyń ósýi personal sanynyń ulǵaıýymen, ony ındeksteýmen jáne qosymsha izdestirý-qutqarý fýnktsııasynyń berilýimen baılanysty bolyp tabylady.
Sondaı-aq jabdyqty jóndeýge, tehnıkalyq qyzmet kórsetýge arnalǵan óndiristik shyǵyndar ulǵaıtýmen qabyldandy, biraq bul rette ákimshilik sıpattaǵy shyǵyndar ózgerissiz qaldyryldy.
«Qazaeronavıgatsııa» RMK úshin ınvestıtsııalyq baǵdarlama eń aldymen buǵan áýe kemeleriniń ushý qaýipsizdigi men tutastaı alǵanda, júıeniń ótkizý qabilettiligi táýeldi bolatyn aeronavıgatsııalyq qyzmettiń senimdiligi men tıimdiligin qamtamasyz etý qajettiligi eskerile otyryp bekitilgenin atap ótý mańyzdy. Osyǵan baılanysty, QR Investıtsııalar jáne damý mınıstrliginiń Azamattyq avıatsııa komıtetimen birlesip bekitilgen «Qazaeronavıgatsııa» RMK-niń ınvestıtsııalyq baǵdarlamasy bastapqy jáne monoımpýlsti radıolokatorlardy, ILS qoný júıesin, sondaı-aq avıatsııalyq elektr baılanysy men aqparattyq kommýnıkatsııany damytý úshin jabdyqty satyp alýdy kózdeıdi.
Investıtsııalyq baǵdarlama alqaly túrde avıakompanııalardyń qatysýymen qaraldy. Aıtalyq, mysaly, avıakompanııalardyń kópshiligi paıdalanbaıtyn jabdyqty satyp alý alyp tastaldy.
Avıabıletter qunynyń qurylymynda aeronavıgatsııalyq qyzmet kórsetý qyzmetteri shamamen 2%-dy quraıdy. Bul rette, olardyń avıabıletterdiń shekti qunyna «áseri» avıakompanııaǵa baılanysty orta eseppen 170-400 teńge. Mysaly, Astana-Almaty baǵytynda aeronavıgatsııalyq qyzmetterdiń avıabılettiń baǵasyna «áseri» 200 - 450 teńge.
