«QazAeronavıgatsııa» qarjysynyń bir bóligin teńgede ustaýǵa daıyn

ASTANA. QazAqparat - QR Úkimetiniń keńeıtilgen otyrysynan keıin ınvestıtsııalar jáne damý mınıstrliginde Elbasy qoıǵan mindetterin iske asyrý jónininde keńes ótti, dep habarlady QR Investıtsııalar jáne damý mınıstrliginiń baspasóz qyzmetinen.

Keńes qorytyndysy boıynsha, QR Investıtsııalar mınıstrligi qarajattarynyń bir bóligin ulttyq valıýtaǵa aýdaryp otyrýǵa ázir ekendikterin habarlady. «Bizdiń kásiporyn sheteldik kompanııalarǵa aeronavıgatsılıalyq qyzmet kórsetip otyrady. Óz qyzmetimizdi shet elge eksporttaǵandyqtan paıdany sheteldik valıýtamen alyp otyramyz. Sondyqtan, jumys erekshelikterine baılanysty bizdiń kásiporyn óz qarjysynyń bir bóligin teńgege aıyrbastap otyrady, al keıbir operatsııany sheteldik valıýtamen júrgizýge májbúrmiz», dep atap kórsetti QR Investıtsııalyq jáne damý mınıstrliginiń «QazAeronavıgatsııa» RMK bas dırektory Azat Bekturov. Eske sala keteıik, Elbasy ulttyq kompanııalardy ulttyq valıýtany qoldaýǵa shaqyrǵan bolatyn.