Qaza tapqandar bar: San-Paýlýda ushaq adamdar kóp júretin dańǵylǵa qulady

ASTANA. KAZINFORM – San-Paýlýdaǵy Markes-de-San-Vısente dańǵylyna qulaǵan ushaq avtobýsqa soǵylǵan, dep jazady Report.

Jergilikti órt sóndirý qyzmetiniń habarlaýynsha, ushaq apatynan keminde eki adam qaza tapqan. Avtobýs jolaýshylarynyń biri jaraqat alyp, aýrýhanaǵa jetkizildi. Qalǵan jolaýshylar janyp jatqan kólikten aman-esen shyǵarylǵan. 

- Qaza bolǵan eki adamnyń máıiti Beech F90 King Air ushaǵynyń fıýzelıajynan tabyldy, - dep habarlady G1 basylymy. 

Aıta keteıik, buǵan deıin Vashıngtonda ózennen áskerı tikushaq qaldyqtary tabyldy. Sondaı-aq Amerıka bıligi Alıaska shtatynda iz-túzsiz joǵalyp ketken ushaqty izdestirip jatqanyn habarlaǵan edik.