Qaza tapqan qyrǵyzstandyqtardyń týystary ózderin tragedııaǵa kinálilerge qatysty qylmystyq isti tergeý jónindegi komıssııanyń quramyna kirgizýdi talap etýde

Qaza bolǵandar týystarynyń advokaty Sholpan Temirbaevanyń sózine qaraǵanda, jańa úkimet qaza tapqandar men zardap shekkenderdiń otbasylaryna ótemaqy tóleýmen qatar jetim qalǵan balalardy járdemaqymen, al stýdentterdi stıpendııamen qamtamasyz etýi qajet. Qazirgi ýaqytta qaza tapqandardyń otbasylary óte aýyr jaǵdaıda. Olardyń keıbiri ózderiniń asyraýshysynan aıyrylyp otyr.

«Sonymen qatar zardap shekkenderdi parlament saılaýy barysynda saılaý komıssııasynyń quramyna qosý qajet. Sol bir oqıǵalarda qaza bolǵandardy aıaq asty etýge bolmaıdy. Biz quqyq qorǵaý organdarynyń tergeý barysy týraly turaqty aqparattandyryp turýyn da talap etemiz», dep atap ótti óz sózinde Sh.Temirbaeva.

Búgingi tańda qaza bolǵandardyń týystary «Meken sheııtterı» qoǵamdyq birlestigin quryp otyr, onyń quramynda qazirdiń ózinde 40 adam bar. Sonymen qatar bul uıym aldyna saıası maqsattar qoıyp otyrǵan joq.