Qaza tapqan kýrsant pen onyń ólimine kúdikti bir topta oqyǵan - Petropavl
PETROPAVL. QazAqparat - Petropavldaǵy áskerı ınstıtýtta qaza tapqan kýrsant pen ony óltirdi degen kúdikke ilingen jigit bir topta oqyǵan, dep habarlaıdy «QazAqparat» HAA tilshisi.
Áskerı ınstıtýttyń bastyǵy Serikhan Ábselemovtiń aqparaty boıynsha, ekeýi de jaqsy kýrsant bolǵan. «Keshe tústen keıingi jeke ýaqytta 3-kýrstyń eki kýrsanty arasynda janjal týyndaǵan. Alǵan pyshaq jaraqaty saldarynan kýrsant Tursyn qaza tapty. Kúdikti oqshaýlaǵyshqa qamaldy, tergeý toby jumys istep jatyr. Barlyq tergeý is-sharalary aıaqtalǵannan keıin sáıkes shara qoldanylady. Kýrsanttar bir topta bilim alǵan. Ekeýiniń arasynda aıtarlyqtaı janjal bolmaǵan. Ekeýi de tek jaqsy qyrynan kórinip júrdi. Kúdikti - sportshy», - dedi Serikhan Ábselemov.
Áskerı ınstıtýttyń aýmaǵynda kúsheıtilgen baqylaý engizildi. Sabaqtar keste boıynsha júrgizilip jatyr.
SQO ІІD baspasóz qyzmeti habarlaǵandaı, oqıǵa faktisi boıynsha QR QK 99-baby «Adam óltirý» boıynsha sotqa deıingi tergeý jumystary bastaldy. Kúdikti - 19 jastaǵy ınstıtýt kýrsanty ustalyp, Petropavl qalalyq ýaqytsha ustaý oqshaýlaǵyshyna qamaldy. Materıaldar áskerı-tergeý basqarmasyna berildi.
