Qaza tapqan feldsher isi: jábirlenýshi MIB tóraǵasynan 35 mıllıon teńge talap etti
ASTANA. KAZINFORM — Astana qalasynyń qylmystyq ister jónindegi aýdanaralyq sotynda jedel medıtsınalyq kómek feldsheri Uldana Myrzýannyń qazasy týraly is boıynsha sot otyrysy jalǵasyp jatyr.
Búgin sottalýshy, Múlik ıeleri birlestigin basshysy bolǵan Sáýle Jubanııazovanyń telefonyn tekserý hattamasyn is materıaldaryna qosý týraly ótinishhat málimdeldi. Atap aıtqanda úı turǵyndarymen toptyq chat qaraldy.
Jábirlenýshiler G. Qalıeva men A. Nurpeıisova sottalýshy S. Jubanııazovadan moraldyq zııan men materıaldyq zalal somasyn óndirip alý týraly talaptaryn málimdedi.
— G.Qalıeva sottalýshyny kináli dep tanýdy jáne onyń azamattyq talap qoıýyn qanaǵattandyrýdy, 10 mıllıon teńge somasynda moraldyq zııannyń ótemaqysyn, sondaı-aq 53 960 teńge somasynda materıaldyq zalaldy óndirip alýdy surady. Sottalýshy bul talaptarmen tolyq kelispedi, óıtkeni ol ózin kináli emes dep sanaıdy, — dep habarlady sottyń baspasóz qyzmeti.
Jábirlenýshi A.Nurpeıisovanyń ókili — advokat J.Kurymbaeva jábirlenýshi eshkimdi kinálaǵysy kelmeıtinin, biraq oǵan emdelýge qarajat qajet ekenin, sondaı-aq sottalýshydan 35 mıllıon teńge somasynda moraldyq zııannyń ornyn toltyrýdy talap etetinin túsindirdi.
Kezekti jábirlenýshi J.Qalıev sottalýshy S. Jubanııazovany kinásiz dep sanaıtynyn aıtty. Qaza tapqan Uldana Myrzýannyń jaqyn týystary — S. Omarova men Á. Zeınel osy istiń mán-jaıyn tolyq túsinip, ádil sheshim qabyldaýdy surady.
Sodan keıin sot jaryssózge kóshti. Prokýror S. Serikova sóz sóılep, S. Jubanııazovany QR Qylmystyq kodeksiniń 254-baby boıynsha kináli dep tanýdy, bas bostandyǵyn 2 jyl shekteý túrindegi jaza taǵaıyndaýdy surady.
Túski úzilisten keıin sottalýshy men onyń qorǵaýshylary sóz sóılep, ony kinásiz dep tanýdy jáne aqtaýdy surady.
Kelesi sot otyrysy 2026 jylǵy 1 qazanda saǵat 15.00-de ótedi jáne sottalýshyǵa sońǵy sózge daıyndalý úshin ýaqyt berildi.
Buǵan deıin jedel járdem feldsheri Uldana Myrzýannyń neden qaıtys bolǵanyn aıqyndaıtyn sot-medıtsınalyq saraptama qorytyndysyn jarııalady.
Sondaı-aq qurylys sarapshysy Denıs Vorobev qaıǵyly jaǵdaıǵa qurylys sapasynyń tómendigi sebep bolǵanyn aıtty.
