Qaza tapqan áıeldiń qyzy Astana Tazalyqtan moraldyq zııandy óndirip aldy
ASTANA. QazAqparat - Talapkerdiń anasy Astana kósheleriniń birinde qulaǵan jáne bas jaraqatyn alǵan. Odan keıin dene jaraqattarymen áıel adam Astana qalasy Temirjol emhanasynyń jansaqtaý bólimine túsken, onda esin jımastan kóz jumǵan.
Sot-medıtsınalyq saraptamanyń qorytyndysyna sáıkes, áıeldiń ólimi jabyq súıek-mı jaraqaty saldarynan qaza tapqany anyqtaldy, dep habarlaıdy Astana qalalyq sotynyń baspasóz qyzmeti.
Sotqa deıingi tergeý barysynda áıel adamynyń qaıtys bolý faktisi boıynsha áıel adam jaraqattanǵan kósheniń qarapaıym ómirge janaspaıtyny, jazǵy jáne qysqy merzimderde mehanıkalyq jınastyrýǵa, sondaı-aq qolmen jınastyrýǵa jatatyny anyqtalǵan.
«Astana Tazalyq» JShS jáne Astana aýdandyq ákimdiginiń apparaty arasynda bekitilgen kóshelerdi qolmen jınastyrý jáne mehanıkalyq jınastyrý boıynsha merdigerler sharttary negizinde jaýapker ózine qala
kóshelerin jınastyrý boıynsha mindetteme alǵan.
Astana qalasynyń Saryarqa aýdandyq soty is materıalyn zerdeleı otyryp, talap aryz talabyn jartylaı qanaǵattandyrdy jáne «Astana Tazalyq» JShS-nen moraldyq zııannyń ornyn toltyrý esebine 600 000 teńge somasynda aqshalaı túrde ótemaqyny óndirip berdi.
Astana qalalyq sotynyń azamattyq ister jónindegi apellıatsııalyq sot alqasynyń qaýlysymen birinshi satydaǵy sottyń sheshimi ózgerissiz qaldyryldy.
