Qaza bolǵan QazUAÝ stýdenti jataqhanadan shyǵyp, páter jaldamaq bolǵan
ALMATY. QazAqparat - Búgin Almatyda qaza bolǵan QazUAÝ stýdentiniń ólimine qatysty sot protsesi bastaldy, dep habarlaıdy QazAqparat tilshisi sot zalynan.
Marqumnyń ákesi Qaırat Nábıev balasynyń sońǵy kezderi aıtqan sózderimen bólisti.
«Balam shirkin eki aı ótse eken, ekinshi kýrsqa kóshsem, jataqhanadan ketemin. Páter jaldaımyn dep aıtyp júretin. Odan basqa eshteńe aıtpady. Jigit qoı. Soǵan qarap, álimjettik kórsetken dep oılaımyn, Estigen boıda Astanadan 1 ushaqpen keldim. Alaıda balamnyń denesin saraptama júrgizemiz dep uzaqqa deıin bermedi», - dedi Qaırat Nábıev.
Sottalýshy Toıshybek Asamovqa QR QK 106-babynyń 3-bóligi (adam densaýlyǵyna qasaqana aýyr nuqsan keltirý), QR QK 194-babynyń 1-bóligi (kúshtep múlkin tartyp alý) boıynsha aıyp taǵyldy. Aıyptaý aktisin búgin memlekettik aıyptaýshy Aslan Ádilhanov oqyp berdi.
Sottalýshy Asamov ózine taǵylǵan aıyptardy moıyndamady.
Sondaı-aq, 1-kýrs stýdentteri joǵarǵy kýrstaǵylardyń ózderine jasaǵan álimjettik áreketteri týraly aıtyp berdi.
Olardyń aıtýynsha, 2-kýrs stýdentteri olardan júıeli túrde aqsha talap etip otyrǵan.
Aıta keteıik, qaıǵyly oqıǵa 12 sáýirde QazUAÝ jataqhanasynda bolǵan edi. Birinshi jáne ekinshi kýrsta oqıtyn onnan astam stýdent jataqhanada tóbelesip, saldarynan 17 jastaǵy Dıdar Bolysbek qaza bolǵan edi. Keıinirek polıtsııa atalǵan oqý ornynyń 2-kýrsynda oqıtyn 2 stýdentti ustady. Sot aldynda olardyń bireýi ǵana - Toıshybek Asamov jaýap beredi. Oǵan QR QK 106-babynyń 3-bóligi (adam densaýlyǵyna qasaqana aýyr nuqsan keltirý), QR QK 194-babynyń 1-bóligi (kúshtep múlkin tartyp alý) boıynsha aıyp taǵylyp otyr.
