Qaza bolǵan avtobýs júrgizýshisi jol erejesin óreskel buzǵan
ALMATY. QazAqparat - Qaza bolǵan avtobýs júrgizýshisi jol apatyna ózi kináli bolyp shyqty. Bul týraly qalalyq ІІD baspasóz qyzmetinde málimdedi.
«Keshe Túrksib aýdanynda jol apaty boldy. Hıýndaı avtobýsy júk kóligimen soǵylǵan bolatyn. Jol apatyna avtobýs júrgizýshisi aıypty bolǵany anyqtaldy. Ol jol erejesin óreskel buzǵan. Qazir atalǵan derek QR QK 345-babynyń 3-bólimimen sotqa deıingi biryńǵaı tergeý tizilimine tirkeldi. Qajetti saraptamalar taǵaıyndaldy», - dedi qalalyq ІІD resmı ókili Saltanat Ázirbek.
Aıta ketý kerek, jol apaty keshe Vokzalnaıa kóshesinde bolǵan edi. Ońtústik baǵytta qozǵalǵan 104 marshrýt avtobýsy júk kóligimen betpe bet soǵylǵan.
Jol apatynan avtobýstyń 4 jolaýshysy jaralandy. Olardy jedel jərdem aýrýhanaǵa alyp ketti. Al avtobýs júrgizýshisi sol jerde jantəsilim etti. Aýrýhanaǵa túsken 5 adamnyń 2-i ambýlatorııalyq emdeýge jiberildi. Al, 23 jastaǵy jigit ortan jiligi synyp, jansaqtaý bóliminde jatyr.
Dárigerlerdiń aıtýynsha, onyń jaǵdaıy ortasha, jaraqaty aýyr, súıek jaryqshaqtary nervi men qan tamyrlaryn zaqymdaǵan. Jigittiń aıaǵynan turyp ketýine 1 jyldaı ýaqyt ketýi múmkin
Taǵy 2 adam №4 qalalyq aýrýhananyń bólimshelerinde em qabyldap jatyr.
