Qaıyrymdylyqqa 1 mln. eýro jumsady
ASTANA. QazAqparat - Ystambuldyq «Galatasaraı» sapynda oıyn kórsetip júrgen Dıde Drogba Soma qalasyndaǵy shahta apatynan qaza tapqandardyń otbasylaryna arnap qarjylaı kómek kórsetti. Aıaqdop sheberi qaıǵy jutyp qalǵandar úshin jeke esepshotynan 1 mln. eýro aýdarǵan, dep jazady muslim.kz.
36 jasar oıynshy «Galatasaraı» klýbymen jasasqan kelisimsharty negizinde jylyna 7 mln. evro alatyn kórinedi. Túrik eliniń áleýmettik jeli qoldanýshylar aıtqandaı, «Dıde Drogbanyń bul isi - qaıyrymdylyqtyń naǵyz úlgisi».
Esterińizge sala keteıik, seısenbi kúni Ystambuldan 200 shaqyrym qashyqtaǵy Soma eldi mekenindegi kómir shahtasynda gaz qospasy jaryldy. Aldyn ala málimetterge sáıkes, shamamen 2 shaqyrymdyq tereńdikte elektr symynyń qysqa tuıyqtalýy saldarynan durys jumys istemeı turǵan transformator jarylǵan. Dál osy kezde jer astynda 787 adam bolǵan. Sońǵy derekterge sáıkes apat saldarynan 301 shahter qaza tapqan.
