Qaıyrymdylyq jobasy aıasynda tegin 5 kontsert beriledi
ASTANA. QazAqparat - Elordamyzda 20-22 maýsym kúnderi aralyǵynda «Astana keshteri» ІІІ halyqaralyq óner festıvali ótedi.
Festıval «Degdar» gýmanıtarlyq qorynyń qamqorlyq jónindegi tóraıymy Darıǵa Nazarbaevanyń uıymdastyrýshylyǵymen jáne jetekshiligimen ótkizilip otyr. Joba aıasynda Qazaqstan, Reseı, Ázerbaıjan men Italııanyń ataqty oryndaýshylarynyń qatysýymen 5 kontsert bolady. Kontserttiń bári de live formatynda ótedi.
Qaıyrymdylyq jobasy bolǵandyqtan, kommertsııalyq eshteńe joq, sondyqtan da bıletter tegin beriledi. Festıval uıymdastyrýshylarynyń maqsaty - áleýmettik jaǵdaıy ártúrli jurtshylyqtyń basyn mýzyka áleminde túıistirý.
Aldyndaǵy eki festıval kórermen tarapynan ystyq yqylasqa bólendi. Sondaǵy kontserttiń bárin áıgili mýzykatanýshy Svıatoslav Belza júrgizdi. Festıvaldiń bir kontsertine memleket basshysy N.Á.Nazarbaev keldi. Qazirgi joba aýqymy jaǵynan keń jáne aýyz toltyryp aıtarlyqtaı jetistikterge jetýdi kózdep otyr. Kontsertter Beıbitishilik pen kelisim saraıynda jáne «Astana Opera» teatrynyń kameralyq zalynda bolmaq.
