Qaıyrymdylyq jeńimpazy Qaırat Nurtaspen birge tústenedi
Oǵan qatysý úshin lunch.bolashak.kz saıtyna kirip, somasy 1000 teńge quraıtyn bılet satyp alý jolymen qaıyrymdylyq úles jasaý qajet. Kez kelgen qatysýshy úshin satyp alatyn bılet sany shektelmeıdi, jáne ár bılet qatysýshynyń jeńiske jetý múmkindigin arttyrady. Sonymen qatar qaıyrymdylyqty anonımdi túrde jasaýǵa da bolady. Tólem qabyldaý aıaqtalǵanan keıin kezdeısoq san generatory jeńimpazdy anyqtaıdy. Ol Qaırat Nurtaspen birge túski asqa baratyn bolady. Bas júldemen qatar qonaqtyń qoltańbasy qoıylǵan estelik syılyqtar da oınatylady, dep habarlaıdy qaýymdastyqtyń baspasóz qyzmeti.
«Bolashak Lunch» lotereıasyn ótkizýdiń basty maqsaty - qaıyrymdylyqqa qarajat jınaý. Jınalǵan qarjy «tserebraldy sal aýrýy» dıagnozy qoıylǵan balalarǵa kómekke jumsalady.
Lotereıaǵa qatysýǵa ótinishter 2016 jylǵy 30 qarashaǵa deıin (qosa alǵanda) qabyldanady.
Uıymdastyrýshylar men seriktester: «Bolashaq» qaýymdastyǵy, «Monaco» oteli, «Nurbank» AQ qarjy qoldaýmen.
«Bolashak Lunch» qaıyrymdylyq lotereıasy el Táýelsizdiginiń 25-jyldyǵyna jáne «Bolashaq» qaýymdastyǵynyń 15-jyldyǵyna arnalǵan «25 qaıyrymdy is» jobasy aıasynda ótkiziledi.
«Bolashak Lunch» qaıyrymdylyq lotereıasynyń alǵashqy qonaǵy Olımpıada oıyndarynyń júldegeri Vasılıı Levıt boldy. Ol kezde 173 myń teńge jınalǵan edi. Bul qarajat 2008 jylǵy balalar aýtızmi jáne Asperger aýrýyna shaldyqqan Qýantqan Sherhannyń kópsalaly mamandar tobymen (psıholog, ergoterapevt, logoped) 3 aılyq qalpyna kelý kýrsyn ótýge jumsaldy.