Qaıyrymdylyq uıymdary memlekettik múlikti jeńildikpen paıdalana alady
«Azamattardyń bastamalary men jalpy belsendiligin kótermeleý úshin zańǵa qaıshy kelmeıtin ártúrli mehanızmder qarastyrylǵan. Atap aıtar bolsaq, volonterlik pen qaıyrymdylyq jasaý sııaqty qyzmet túrleri qazirgi pandemııa, keshegi tótenshe jaǵdaılar kezinde erekshe ózekti bolýda. Osy nebári bir jylda elimizdegi volonterlik uıymdardyń sany 3 ese ósip, eriktilerdiń qatary 200 myńǵa jetti. Sondyqtan, Prezıdenttiń bastamasymen olarǵa júıeli qoldaý mehanızmderi engizilip jatyr. Bul eń aldymen qoldanystaǵy zańdy jetildirýge qatysty», - dedi Bolat Tilepov Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, birinshiden, joǵary, arnaýly orta oqý oryndaryna túsý kezinde, sondaı-aq azamattyq jáne memlekettik qyzmetke kirý kezinde volonterlerdiń, qaıyrymdylyq jasaýshylardyń quqyqtaryn keńeıtý qarastyrylady. Ekinshiden, volonterlik jáne qaıyrymdylyq uıymdaryna memlekettik múlikti jeńildik arqyly paıdalaný múmkindigi engiziledi.
Úshinshiden, zeınetkerlikke shyqqan kezde azamattardyń volonterlik qyzmet atqarǵan ýaqytyn esepke alý kózdeledi. Tórtinshiden, korporatıvtik volonterlik, qaıyrymdylyq jáne elektrondyq qaıyrymdylyqpen aınalysý boıynsha normalar engiziledi. ıAǵnı, fandraızıng, kraýdfandıng platformasy, tólem termınaldary, SMS, onlaın bankıng arqyly qaıyrymdylyq jasaý tetikteri pysyqtalady. Besinshiden, qaıyrymdylyq kómektiń ashyqtyǵyn qamtamasyz etý úshin qaıyrymdylyq uıymdardyń reestri jasalady. Sonymen qatar, qaıyrymdylyq uıymdaryn iske asyrǵan jumystary týraly esep berýge mindetteıtin norma engiziledi.
«Budan bólek, mınıstrlik Volonterlikti damytýdyń 2021-2023 jyldarǵa arnalǵan jol kartasyn ázirlegen bolatyn. Ol volonterlik bastamalardy odan ári damytýǵa yqpal etip, azamattardyń volonterlik qyzmetke qatysýyn jandandyrýǵa, volonterlik mádenıetti odan ári nyǵaıtý úshin jaǵdaı jasaýǵa múmkindik beredi», - dedi vıtse-mınıstr.