Qaıyrymdylyq úshin kitap jazǵan 8 jasar bala 1 mln. dollarǵa jýyq qarajat jınady
ASTANA. QazAqparat - AQSh-tyń 8 jastaǵy turǵyny Dılan Sıgel sırek kezdesetin "Gırke sındromyna" shaldyqqan dosy Djonǵa qarjylaı kómek berý úshin 16 bettik kitap shyǵardy. "Chocolate bar", ıaǵnı, "Shokolad kafesi" dep atalǵan shaǵyn kitaptyń bezendirilýin de Dılan óz moınyna alǵan, dep jazady e-islam.kz.
«Chocolate bar» - barlyq unamdy dúnıelerdiń ordasy. Segiz jasar "qalamgerdiń" aıtýyna qaraǵanda, bul tirkespen ol ózine unaıtyn barlyq nárseni jetkizgisi kelgen. Bul týraly atalǵan kitaptyń resmı saıtynda málim boldy. Al kitapty satýdan túsken qarjy 900 000 dollardy qurapty. Buǵan deıin BAQ betterinde ol 750 myń AQSh dollaryn jınaǵan dep jarııalanǵan bolatyn.
«Men ózimniń dosyma kómekteskenim úshin óte qýanyshtymyn. Meniń jazǵandarymdy bólisken halyqqa alǵysym sheksiz. Balalardy álemdi ózgertýge tarta bilgenimiz úshin razymyn" degen avtor óz dosynyń aıaqtan turýyna óte qatty tilektes ekenin aıtqan.
Gırke aýrýy - glıýkozada glıýkoza-6-fosfatyn túzetin fermenttiń jetispeýshiliginen týyndaıtyn baýyr aýrýy. Bul baýyr men búırekte glıkogenderdiń jıylýyna alyp keledi.
