Qaıyrymdylyq sharasynan túsken aqsha naýqas balalar emine jumsalady
Kókshetaýdaǵy «Arıstokrat» meıramhanasynda ótken sharaǵa «Nur Otan» partııasy oblystyq fılıaly tóraǵasynyń birinshi orynbasary Ǵalym Bekmaǵambetov, memlekettik organdar, bıznes qurylymdar, úkimettik emes uıymdardyń ókilderi men depýtattar qatysty.
Qaıyrymdy jandardyń basyn qosqan sharanyń negizgi maqsaty kómekke muqtaj jandarǵa qoǵamnyń nazaryn aýdartý, ómirde qıyn jaǵdaıda qalǵan balalarǵa qol ushyn berý bolyp tabylady. Sonymen qatar, qaıyrymdylyq balyna oblysymyzdyń Kókshetaý, Stepnogorsk qalalary men birqatar aýdandarynan arnaıy shaqyrylǵan delegattar da bul kúni ıgilikti isten aıanyp qalmady. Muqtajǵa kómektesýge qashanda ázir ekendikterin jetkizip, ortaǵa múmkindigi shekteýli balalarǵa aqshalaı kómek berý úshin ádeıilep qoıylǵan «jaqsylyq sebetine» qarjy saldy.
Aqmola oblysynyń isker áıelder qaýymdastyǵynyń tóraıymy Dámeli Qoıshınanyń aıtýyna qaraǵanda, qaıyrymdylyq sharasynan túsken aqsha sal aýrýymen naýqastanǵan balalarǵa mıdyń bıoakýstıkalyq korrektsııasy apparatyn satyp alýǵa jumsalmaq.
Bul kúni ata-ana qamqorlyǵynsyz qalǵan balalardyń, múgedekterdiń qolymen jasalǵan qolóner týyndylaryna kópshilik zor qyzyǵýshylyq tanytyp, kórmeden unaǵan zattaryn satyp alyp jatty. Bul da qamqorlyqqa muqtaj balalarǵa degen ózindik bir qoldaý boldy.