Qaıyrymdylyq qorynyń atyn jamylyp alaıaqtyq jasaǵan əıel ustaldy
ALMATY. QazAqparat - Almatyda nesıe alyp beremin dep eldi aldaǵan əıel ustaldy, dep habarlaıdy QazAqparat tilshisi.
Qalalyq polıtsııa departamentiniń baspasóz qyzmeti habarlaǵandaı, əıel adamdarǵa belgili qor arqyly nesıe rəsimdep beremin dep ýəde berip kelgen. Osy qyzmeti úshin ol qomaqty aqsha alyp otyrǵan. Biraq ýədeleriniń eshqaısysyn oryndamaǵan. Qazirdiń ózinde kúdiktiniń 7 epızodqa qatysy bary anyqtaldy.
54 jastaǵy Almaty oblysynyń týmasy qazir ýaqytsha oqshaýlaý ornyna qamaldy.
Qazir QK 190-babymen sotqa deıingi tergeý jumystary júrip jatyr.
Polıtsııa əıeldiń alaıaqtyq əreketinen japa shekken adamdar bolsa, 8-701-852-60-94; 8-747-200-08-56; 2-98-53-05 ı 298-53-41 nómirlerine habarlasýyn suraıdy.
