Qaıyrymdylyq qorynan jarty mıllıon dollar urlaǵan
ASTANA. QazAqparat – Brıtandyq azamat sotta áskerılerge qoldaý kórsetetin Help for Heroes ("batyrlarǵa kómek") qaıyrymdylyq qoryna tapsyrylǵan 300 myń fýnt sterlıngten astam aqshany ($500 myń) qaltasyna basqanyn moıyndady
51 jastaǵy Krıstofer Koýplend Anglııa jáne Ýels ámbebap dúkenderinde aqsha jınaıtyn pýnktter ashqan. Barlyq aqshany óz shotyna aýdaryp otyrypty. Onyń alaıaqtyqqa barǵanyn sezgen eriktilerdiń biri polıtsııaǵa habarlady. Osylaısha ońaı jolmen aqsha tappaq bolǵan azamat qolǵa tústi. Sýdıanyń sózine qaraǵanda, Koýplend uzaq merzimge bostandyǵynan aıyrylmaq, dep habarlady BBC.
