Qaıyrymdylyq qory Qyzylorda oblysynyń damýyna qoldaý kórsetti
Jaqynda oblys ákimdigi qor ókilderimen Qyzylorda qalasynyń áýejaıynda jańa zamanaýı termınal qurylysyn salý jónindegi yntymaqtastyq týraly memorandýmǵa qol qoıdy. Qurylys aıaqtalǵannan keıin termınal oblys ákimdiginiń teńgerimine beriledi. Saǵatyna 300-ge jýyq jolaýshyǵa qyzmet kórsetýge jol ashylady. Bul qazirgi ótkizý qabiletinen eki ese kóp.
«Qyzylordanyń qazirgi áýejaıy keńeıtýdi qajet etedi. Óıtkeni, aımaq qarqyndy damyp keledi. Bul ınvestorlar jáne sheteldikterdi de qyzyqtyrady. Jańa áýe aılaǵy Qyzylorda turǵyndary men qonaqtarynyń kóńilinen shyǵatyn deńgeıge jetedi degen oıdamyn. Nátıjesinde kóbirek qonaq kelýine múmkindik týady degen senimdimiz», - dedi Bolat Ótemuratov qorynyń dırektory Marat Aıtmaǵambetov.
Sondaı-aq, atalǵan qor bıyl Aral aýdanynda kezdesken qýańshylyq kezinde qol ushyn sozdy. Bul baǵytta mal azyǵyn qamtamasyz etý, jaıylymdar men shabyndyqtardy sýlandyrý úshin aýyl sharýashylyǵy tehnıkasyn satyp alýǵa 300 mıllıon teńge bóldi. Aral aýdany úshin Aspaı sýaǵarynyń qalpyna keltirilýi aıtýly oqıǵa boldy. Onyń arqasynda qazir Kishi Aral teńizine sý quıylyp otyr.
Al Aral qalasynda turatyn muqtaj otbasylar «Balameken» jobasy arqasynda jańa baspanaǵa ıe boldy. Qor kópbalaly jáne muqtaj otbasylar úshin jalpy somasy 300 mıllıon teńgege 40 jańa páter satyp alýǵa qarjy bóldi.
Atalǵan qor belgili ánshi Batyrhan Shókenov atyndaǵy qordyń jobalaryna qoldaý kórsetýdi jalǵastyrýda. Olardyń qatarynda «Otan Ana» albomynyń vınılde shyǵarylýy, kompozıtorlarǵa arnalǵan alǵashqy mýzykalyq rezıdentsııanyń ótkizilýi jáne mýzykalyq joǵary oqý oryndary men mektepterdiń daryndy stýdentterine ataýly shákirtaqy taǵaıyndalýy bar.
«Batyrhan Shókenov atyndaǵy qormen yntymaqtastyq jasaldy. Ol belgili ánshini eske alýǵa arnalǵan sharalardy úılestiredi. Bul jobany aldaǵy jyldyń mamyr aıynda iske qosýdy josparlap otyrmyz. Bul - elordanyń turǵyndary men qonaqtaryna jasalǵan syılyq, ol uly mýzykantty qasterleıtin jandarǵa óte unaıdy», – dep Qamqorshylar reńesiniń múshesi, QR halyq ártisi Jánııa Áýbákirova.
Aldaǵy jyly Bolat Ótemuratov qory óz qyzmetin jańa baǵyttarda keńeıtýge kóńil bóledi. Árbir jobaǵa júıeli kózqaras turǵysynan nazar aýdarylady, ol turaqty damytýdy qamtamasyz etedi.
Bıyl Bolat Ótemuratov qory densaýlyq saqtaý, bilim berý, mádenıet jáne muqtaj adamdarǵa qoldaý kórsetý salasyndaǵy jobalarǵa 3 mlrd teńge bólindi.
Qordyń qamqorshylar keńesiniń tóraǵasy Almaz Sharman bıyl jumys júrgizilgen on segiz joba týraly aıtyp ótti. Onyń ishinde «Aýtızm. Barlyǵyna bir álem» jobasynyń keńeıtilýi, «Jasyl Mektep», «Jas Leader Akademiiasy» jobalary, tabıǵı apattardan zardap shekkenderge kómek kórsetý jáne muqtaj otbasylardy baspanamen qamtamasyz etý jobalary bar.
https://www.youtube.com/watch?v=pPyMsLCnyXI
«Qor 5-11 synyp oqýshylaryna arnalǵan «Jas Leader Akademiiasy» men «Jasyl mektep» atty eki jańa jobany iske qosty. «Jas Leader Akademiiasy» balalarǵa qarym-qatynas jasaý, komanda bolyp jumys isteý, kópshilik aldynda sóz sóıleý jáne ýaqytty basqarý daǵdysyn damytýǵa jáne jetildirýge kómektesedi. Qazir pılottyq jobaǵa Shymkent qalasy men Túrkistan oblysynyń 50 mektebi qatysýda. Bes jyl ishinde jobaǵa Jambyl, Qyzylorda, Atyraý, Mańǵystaý, Batys Qazaqstan, Aqtóbe jáne Almaty oblystarynyń mektepteri qosylady dep kútilýde. Oǵan 2,1 mıllıard teńge shamasynda qarjy qaralǵan.
Balalarǵa arnalǵan «Jasyl mektep» ekologııalyq jobasy Almatynyń 16 memlekettik mektebinde bastaldy. Onda qor aqyldy tamshylatyp sýarý júıesi, jaryqtandyrý jáne jylytý júıesi bar jylyjaılar saldy.
«Qor 5-7 synyp oqýshylaryna arnalǵan oqýlyqtar, sondaı-aq ósimdikterdi ósirý men kútip-baptaý boıynsha qadamdyq nusqaýlyǵy bar muǵalimderge arnalǵan ádistemelik qural shyǵardy. Endi balalar jylyjaıdaǵy fakýltatıvtik sabaqtarǵa jáne ekologııaly ómir salty boıynsha sheberlik synyptaryna qýana-qýana barady», - dedi Almaz Sharman.
Aldaǵy jyly Nur-Sultanda, 2023 jyly Shymkentte mektep jylyjaılary jabdyqtalady. Olardyń úsh jyldyń bıýdjeti - 1 mlrd teńge.
«Asyl Mıras» aýtızm ortalyqtarynyń jelisi keńeıýde. Qazir mundaı ortalyqtar Nur-Sultan, Almaty, Qyzylorda, Óskemen, Aqtóbe, Oral, Shymkent, Petropavl jáne Pavlodar qalalarynda bar. Endi olardyń qataryna Tarazda ashylatyn onynshy ortalyq qosylmaq. Al 2022 jyly Qaraǵandyda jańa aýtızm ortalyǵy óz esigin ashady. 2021 jyly 2 152 bala osy ortalyqtarda ınterventsııa baǵdarlamacynan ótti. Al baǵdarlama istep turǵan ýaqyt ishinde 11 076 bala baǵdarlama ıgiligin kórdi.
Qazaqstannyń Qyzyl Jarty aıymen birlese otyryp qor «Kómek kartasy» jobasyn jalǵastyrýda. Bul baǵytta Soltústik Qazaqstan jáne Qostanaı oblysyndaǵy sý tasqynynan zardap shekken adamdar 53 mıllıon teńge somasynda qarjylaı kómek aldy. Shyǵys Qazaqstan oblysynyń Rıdder qalasynda bolǵan orman órti kezinde úıleri órtengen otbasylarǵa jalpy somasy 30 mıllıon teńgege «Kómek kartasy» berildi.
Ádiljan Úmbet.
