Qaıyrymdylyq qory Aral aýdanynda qýańshylyqtan zardap shekkenderge qarjy bóldi
Bul jóninde atalǵan qordyń baspasóz qyzmeti málim etti. Qarajat «Aralym -Aıdyn shalqarym» qoǵamdyq qoryna beriledi.
Sol arqyly zardap shekken halyqtyń alǵashqy kezektegi muqtajdyǵyna bólinedi.
Óńirde uzaqqa sozylǵan qýańshylyqtyń saldarynan maldyń sýǵa qoljetimdiligi jáne jem-shóppen qamtamasyz etý máselesi ózekti bolyp tur.
Qazirgi ýaqytta aýdanda 500-den astam mal basynyń ólimi tirkelgen. Qazir aýdanda tótenshe jaǵdaı jarııalandy.
Bolat Ótemuratov qorynan kómek retinde Aral aýdanynyń az qamtylǵan 800 otbasy 900 tonna qurama jem alýyna múmkindigi bar.
Bul jemshóp 2021 jylǵy qarashadan 2022 jylǵy mamyrǵa deıingi kezeńge jetedi.
Mal basyn saqtaý jáne jaıylymdardy sýlandyrý úshin óńirde jańa sý uńǵymalary qajet.
Sondaı-aq kanaldardy tazalaý jáne sý qondyrǵylaryn jóndeý talap etiledi. Syrdarııa ózeninde «Amanótkel eldi mekeni aýdanynda «Aspaı» sý qubyry qalpyna keltiriledi.
Bul sý deńgeıin kóterýge jáne Qamysty-Aqshataý kól júıelerin toltyrýǵa múmkindik beredi.
Uńǵymalar burǵylanady, onyń ishinde qazirgi ýaqytta aýyz sýy joq shalǵaı Belaran aýyldyq okrýgindegi turǵyndar 35 shaqyrym qashyqtyqta ornalasqan qudyqty paıdalanady.
«Budan basqa, aýyldyq okrýgterdegi selolyq tutyný kooperatıvteriniń traktorlar, shóp shabatyn oryndar, soqalar, jemshóp bazasyn daıyndaý úshin press-jınaqtaǵyshtar satyp alady. Alys jaıylymdarda mal sýarýdy qamtamasyz etý úshin sý tasyǵyshtar, jaıylymdyq jáne shabyndyq jerlerdi sýlandyrý úshin dızel sorǵylary satyp alynady», - dep jazylǵan habarlamada.
Qarajattyń jumsalýyn jáne jemshóptiń bólinýin jurtshylyq ókilderinen quralǵan arnaıy komıssııa baqylaıdy.
