«Qaıyrymdylyq kerýeni» baıqaýyna ótinim qabyldaý bastaldy
15 jeltoqsanǵa deıin jalǵasatyn konkýrs 5 atalym boıynsha úzdikterdi anyqtamaq. Baıqaý QR Tuńǵysh Prezıdenti qorynyń Qazaqstan isker áıelder qaýymdastyǵynyń, «Habar» agenttigi men «KTK» arnalarynyń qoldaýymen úshinshi jyl qatarynan ótip otyr.
«Siz nemese siz biletin adam jaqsy is jasasa, muqtaj adamdarǵa kómektesse nemese qıyn jaǵdaıda batyldyq tanytsa, onda bul baıqaý dál osy adamdarǵa arnalǵan!», delingen habarlamada.
Baıqaý laýreattary bes nomınatsııa boıynsha anyqtalady:
- «Asar» - qaıyrymdylyq qyzmeti ulttyq salt-dástúrlermen baılanysty jáne ulttyq mádenıetti saqtaýǵa kómektesetinder úshin;
- «Týǵan jer» - bilim berý, ekologııa jáne abattandyrý, mádenı nysandardy qalpyna keltirý jáne t. b. salalarda týǵan ólkesine qaıyrymdylyq kómek kórsetetin adamdarǵa;
- «Batyl júrek» - erlik pen qaısarlyq úshin;
- «Meıirim jolynda» - belgili bir ýaqyt aralyǵynda óteýsiz turaqty kómek kórsetkender úshin.
- «Qaıyrymdylyq tarıhy» - BAQ-ta qaıyrymdylyq taqyrybyn kótergen, qoǵamnyń nazaryn áleýmettik problemalarǵa aýdaratyn materıaldardy úshin jýrnalıst nemese shyǵarmashylyq ujym.
Qatysýǵa ótinimder 1 qazanynan 15 jeltoqsanyna deıingi merzimde caravan_dobroty@fpp.kz elektrondy poshtasyna jiberý qajet.
«Konkýrstyń negizgi maqsaty – izgilikti nasıhattaý. Adamnan adamnyń kómek suraýy ońaı emes. Biraq , bireýdiń kómegine muqtaj jandar jeterlik. Bul pandemııada anyq baıqaldy. Ondaı sátterde qolyn sozýǵa daıyn jandar qoǵamda barshylyq. Bizdiń mindet – solardy jaryqqa shyǵarý. Árıne, syılyq ta, marapatta bolady», – deıdi Almaty qalasy boıynsha Qaıyrymdylyq kerýeni jobasynyń jetekshisi Álııa Súgirbaeva.
