Qaıyrymdylyq aktsııasy: Abaı aýdanynyń turǵyndaryna azyq-túlik sebetteri taratyldy

QARAǴANDY. QazAqparat – Qaraǵandy oblysynyń Abaı aýdany eriktileriniń qatysýymen «Asar» qaıyrymdylyq aktsııasy ótti. Shara barysynda UOS jáne eńbek ardagerlerine, áleýmettik osal toptarǵa jatatyn otbasylarǵa ataýly kómek uıymdastyryldy, dep habarlaıdy QazAqparat tilshisi.

Qaraǵandy oblysynyń Abaı aýdanynda turatyn 200 otbasyna jalpy somasy 1,5 mıllıon teńgege azyq-túlik jıyntyqtary taratyldy. Sebette kúndelikti tutynatyn makaron ónimderi, qant, kúrish, qaraqumyq, suıyq maı, kámpıt pen toqashtar, orta qap pııaz ben kartop jáne qyzylsha boldy.

Qaıyrymdylyq aktsııasyna qrajat metsenattardyń kómegimen jınaldy.

«Bizde Abaı aýdanynda negizinen aýylsharýashylyq ónimderi – kartop, pııaz, qyzylsha sekildi kókónister óndiriledi. Sondyqtan qaıyrymdylyq aktsııasy barysynda taratylǵan azyq-túlik sebetterindegi kókónis ónimderi aýdanymyzdaǵy sharýashylyqtardan, jan jaqtan jınaldy», - dep habarlady Aıdan aýdany ákimdiginde.

Osy sekildi qaıyrymdylyq sharalary Abaı aýdanynda jıi uıymdastyrylyp otyrady. Az qamtylǵan otbasylarǵa, múgedektigi bar adamdar, áleýmettik osal toptarǵa, kópbalaly otbasylarǵa, ayraýshysynan aıyrylǵan jáne jalǵyzbasty analarǵa kómek kórsetiledi.

Osyǵan deıin joǵaryda atap ketken sanattaǵy turǵyndarǵa aýdan ákimdigi 5 tonnadan astam kartop pen oramjapyraq taratqan.