Qaıyrymdy jandar Almaty oblysyndaǵy kópbalaly anaǵa baspana syılady
TALDYQORǴAN.QazAqparat - Elimizdegi «Qareket» qaıyrymdylyq qorynyń demeýshileri 4 balanyń anasy Almagúl Qudııarovaǵa baspana alyp berdi. Almaty oblysyndaǵy Aqsý aýdanyndaǵy Jansúgirov aýylynyń turǵyny Almagúldiń osydan úsh aı buryn joldasy qaıtys bolǵan, dep habarlaıdy QazAqparat tilshisi.
«Qareket» kaıyrymdylyq qorynyń jumys istep jatqanyna 1 jyldan asa ýaqyt bolǵan. Osy ýaqyt aralyǵynda qanshama úısiz júrgen januıalarǵa baspana alyp berip, saýapty is jasap keledi. Bizdiń Aqsý aýdanynyń turǵyny Almagúl Qudııarova atalǵan qor arqyly tegin baspanaǵa qol jetkizgen 55-shi adam. Al jalpy qor 2018 jyly elimizdiń túkpir-túkpirindegi 60 adamnyń baspanaly bolýyna sebepshi boldy», - dedi Aqsý aýdandyq ákimdiginiń baspasóz qyzmetiniń ókili Qurmet Dosjanova.
Jyldar boıy armandaǵan baspanasyna qol jetkizgen Almagúl tórt balanyń anasy. Qazir besinshi balasyna aıaǵy aýyr.
«Qaıyrymdylyk qoryna, halqyma myń alǵysymdy bildiremin. Qanshama jyldar boıy dalada tentirep júrip, baspanaǵa qolymyz jetti. Qýanyshymda shek joq. Qorǵa atsalysyp, demeýshi bolǵan barsha jamaǵatqa alǵysymdy bildiremin», - dedi Almagúl Qudııarova.
Qýanyshy eselenip jatqan Almagúl Qudııarovaǵa 4 bólmeli jer úıdiń kiltin qaıyrymdy jandar saltanatty túrde tabystady.
