Qaıyrymdy qaıyrshy 92 myń dollar jınady. VIDEO
ASTANA. 20 qyrkúıek. QazAqparat - AQSh-ta qaıyrymdy qańǵybas áp-sátte dáýletti adamǵa aınaldy, dep habarlaıdy 24.kz saıtynan.
Glen Djeıms esimdi qaıyrshy Bostondaǵy saýda ortalyǵynan 41 myń AQSh dollary bar sómkeni taýyp alyp, qyrýar aqshany polıtsııaǵa óz qolymen tapsyrǵan. Sómkeden Qytaı azamatynyń tólqujaty shyǵyp, sol boıynsha ıesi de tabylady. Gazetten Djeıms týraly habardy oqyǵan Vırdjınııa shtatynyń turǵyny onyń atynda qor qurady. Qaıyrshynyń adaldyǵyna rıza bolǵan halyq oǵan 3 kúnniń ishinde 92 myń AQSh dollaryn jınap bergen. Djeıms jınalǵan mol aqshany qaıda jumsaryn áli bilmeıdi. Ol áli de bolsa, eski ádetin tastaı almaı, qaıyr surap júr.
