Qaıyrymdy qala turǵyndary: Sal bolyp qalǵan jigit ońalyp keledi

AQTÓBE. QazAqparat - Aqtóbedegi jol apatynan soń 1 aı boıy jansaqtaý bóliminde jatqan Serik Jantikenov ońaltý ortalyǵynda em qabyldap jatyr. Sal bolyp qalǵan jigittiń ákesi otbasyna kómektesken adamdarǵa alǵysyn aıtty, dep habarlaıdy QazAqparat tilshisi.

Aqtóbe qalasynyń turǵyny Serik Jantikenovti kólik qaǵyp ketken bolatyn. Jedel járdemmen aýrýhanasyna jetkizilgen jigit 1 aıdan astam ýaqyt boıy jansaqtaý bóliminde jatty.

Buǵan deıin habarlaǵanymyzdaı, naýqas keıin «Meıirim» kútim bólmesine jiberildi. Balasyn úıine aparsa em júrgize almaıtyny sezgen áke birden kómek surady .  Keıin naýqas «Darý» ońaltý ortalyǵyna jiberilip, em qabyldady. Áleýmettik jaǵdaıy men balaǵa kórsetiletin emniń qymbat ekenin aıtqan Almaz Jantikenov Aqtóbe oblysy ákimi Berdibek Saparbaevtyń qabyldaýynda boldy. Óńir basshysy jas jigitke qajetti barlyq em tegin júrgiziletinin aıtyp, arnaıy mekemelerge tapsyrma berdi. Qazir naýqas «Darý» ońaltý ortalyǵynda em qabyldap jatyr.

«Balamyzǵa qymbat dáriler alyp, em júrgizip jatyrmyz. Ózgeris bar, Serik qolymen tartylyp, bizdiń kómegimizben basyn kóteredi. Áli de tamaqty arnaıy qutymen ishedi, biraq kún ótken saıyn em óz áser beretinine senimdimiz. Meıirimdi, qaıyrymdy adamdardyń arqasynda kereýet alyp, áli de emine qarjy jınap jatyrmyz»,- dedi Seriktiń ákesi Almaz Jantikenov.