Qaıyrymdy ister marafonyna eki mıllıonǵa jýyq qazaqstandyq qatysýda – Lıma Dıas
«Qaıyrymdy ister marafony» - uıymdardy, adamdardy jáne qarapaıym qazaqstandyqtardy biriktiretin jalpyulttyq qozǵalys. «Qaıyrymdy ister marafonynyń» negizgi máni – adamdardy meıirimdi bolýǵa, izgilikpen aınalysýǵa yntalandyrý ǵana emes, sebebi árbir qazaqstandyqta osyndaı qajettilik bar. Azamattyq bastamalardy qoldaý ortalyǵy uıymdastyrý komıteti retinde búkil aktsııanyń ákimshilik, uıymdastyrýshylyq jáne ádisnamalyq úılestirýshisi retinde jumys isteıdi. Biz ár qazaqstandyqtyń jasyna jáne áleýmettik mártebesine qaramastan qaıyrymdylyqtyń ómiriniń bir bóligine aınalýy úshin tyrysamyz», - dedi L. Dıas Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, aktsııa bastalǵannan keıin bir aıda aktsııaǵa 60-tan astam ÚEU, shaǵyn jáne orta bıznes ókilderi, ulttyq holdıngter, jeke jáne kvazımemlekettik kompanııalar, qaıyrymdylyq qorlary, qoǵamdyq uıymdar, volonterlik toptar, JOO jáne kolledj ókilderi, ákimdikter qoldaý kórsetken. Bir aı boıy 47 myń volonter marafonnyń barlyq qatysýshylaryna jumysqa ornalasýǵa kómektesedi, ádistemelik kómek kórsetedi. Marafon aıasyndaǵy is-sharalar ár aıǵa josparlanǵan.
Spıker marafon aıasynda 345 is-shara ótkizilgen Shyǵys Qazaqstan oblysy eń belsendi aımaq ekenin atap ótti. Respýblıka boıynsha marafon aıasynda 1,5 myńǵa jýyq is-sharalar men aktsııalar, jobalar júzege asyrylǵan. Eki mıllıonǵa jýyq adam marafonnyń belsendi qatysýshysy atandy. Olar ár túrli istermen aınalysady – muqtaj adamdarǵa kómektesedi, qar kúreıdi, qan tapsyrady, aǵash egedi, qaıyrymdylyq qorlaryna qaıyrymdylyq jasaıdy jáne ekologııalyq aktsııalar ótkizedi.
«Aldaǵy aılarda birqatar is-shara josparlanǵan. Atap aıtqanda, 18 naýryzda Naýryz meıramyna oraılastyrylǵan qaıyrymdylyq kúni ótkiziledi. 15-21 naýryz aralyǵynda ekologııalyq sharalar ótkizýge kóńil bólinip, ekologııalyq meıirimdilik aptalyǵy ótedi. Sáýir aıynda «Eń meıirimdi» baıqaýlar serııasy bastalady, olardyń birinshisi «Eń meıirimdi aımaq» dep atalady», - dep túsindirdi L. Dıas.
Esterińizge sala keteıik, Qazaqstan Táýelsizdiginiń 30 jyldyǵy aıasynda Memleket basshysynyń bastamasymen «Qaıyrymdy ister marafony» jalpyulttyq jobasy bastaldy. Marafonǵa qatysýǵa barlyq qazaqstandyqtar, sonyń ishinde memlekettik jáne qoǵamdyq uıymdar, bıznes jáne JOO ókilderi shaqyryldy.
Jobanyń úılestirýshisi – Azamattyq bastamalardy qoldaý ortalyǵy. Uıymdastyrý isine qatysty suraqtary boıynsha 8 (7172) 221224 nómirine habarlasýǵa bolady, e-mail: dobryhdelmarafon@gmail.com.
