«Qaıyrymdy ister marafonyna» 5 mln qazaqstandyq atsalysqan

NUR-SULTAN. QazAqparat – Byltyr «Qaıyrymdy ister marafonyna» 5 mln qazaqstandyq atsalysqan. QR Aqparat jáne qoǵamdyq damý mınıstri Asqar Ýmarov vedomstvonyń keńeıtilgen alqa májilisinde osylaı aıtty, dep habarlaıdy QazAqparat tilshisi.

«Mınıstrlik 2021 jyly azamattyq qoǵammen qarym-qatynasqa tyń serpin berdi. Osy oraıda, Qazaqstannyń Azamattyq forýmynyń merekelik onynshy jıynyn erekshe atap ótken jón. Іs-shara bılik pen qoǵam dıalogynyń mańyzyn taǵy bir márte dáleldedi. Forým barysynda úkimettik emes uıymdar, buqaralyq aqparat quraldary, bıznes jáne jalpy azamattyq sektor ókilderinen myńnan asa usynys pen usynym kelip tústi.

Sondaı-aq 2021 jyly «Qoǵamdyq keńester týraly» zańǵa túzetýler engizildi. Zań qoǵamdyq keńesterdiń ókilettikterin aıtarlyqtaı kúsheıtti», - dedi vedomstvo basshysy

Sondaı-aq mınıstr Májiliske qoǵam ókilderimen talqylaýdyń barlyq kezeńderinen ótken «Qoǵamdyq baqylaý týraly» zań jobasy engizilgenin eske saldy.

«Úkimettik emes uıymdarǵa grant berý erejelerine ózgeris engizdik. Halyqtyń suranysyn eskerip, ony alǵash ret jalpy talqyǵa saldyq.

Byltyr Prezıdenttiń bastamasymen qaıyrymdy ister marafony iske asyryldy. Oǵan 5 mıllıonǵa jýyq azamat atsalysty.

2021 jyly «Úkimettik emes uıymdar akademııasy» jobasy jalǵasyn tapty. Sonyń aıasynda byltyr 800-den astam azamattyq sektor ókili oqytyldy.

Jalpy, Úkimettik emes uıymdarmen birge túrli jobalar iske asyrylyp jatyr. Jyl saıyn respýblıka boıynsha áleýmettik mańyzy bar 2 myńǵa jýyq joba júzege asyrylady», - dedi Asqar Ýmarov.