«Qaıyrymdy ister marafony»: ShQO-da 24 myńnan astam adamǵa kómek kórsetildi
Shyǵys Qazaqstan «Qaıyrymdy ister marafony» jalpyulttyq jobasyn iske asyrý boıynsha basqa óńirler arasynda úzdik úshtikke enip otyr.
«Oblys eriktileri 3 myńǵa jýyq áleýmettik jáne qaıyrymdylyq aktsııalaryn uıymdastyrdy. Sonyń nátıjesinde, 24 myńnan astam adamǵa túrli kómek kórsetilgen. Jalpy, ótken jyldyń basynan beri 6195 shara uıymdastyryldy. Onyń ishinde halyqaralyq jáne respýblıkalyq deńgeıdegi is-sharalar bar», - delingen ShQO Aqparat ortalyǵynyń habarlamasynda.
Jastardy qoldaý boıynsha da keshendi sharalar júzege asyrylýda. Basty baǵyt – jastardy jumyspen qamtý.
«Búginde memleket azamattyq qoǵamdy qoldaýǵa jáne nyǵaıtýǵa erekshe kóńil bólýde. Memlekettik organdardyń barlyq resýrstary áleýmettik mindetterdi sheshýge jáne tıimdi ekonomıkasy men qazirgi zamanǵy ınfraqurylymy bar óńirde ómir súrý úshin qolaıly jaǵdaılar jasaýǵa baǵyttalǵan», - delingen málimette.