Qaıyrymdy ister marafony: Pavlodarlyqtar Ertis jaǵalaýynan 40 qap qoqys jınady

PAVLODAR. QazAqparat - Pavlodarda «Qaıyrymdy ister marafony» jalpyulttyq jobasy aıasynda «Meniń taza álemim» chellendji bastaldy, dep habarlaıdy QazAqparat.

Uıymdastyrýshylar: «ARCUS» damý ortalyǵy jáne «Alramı» mentaldy aýytqýlary bar tulǵalarǵa arnalǵan qoǵamdyq birlestik klýb úıi.

Chellendjdi 30-dan astam adam qoldady: onyń ishinde «Alramı» klýb úıi men «ARCUS» damý ortalyǵynyń músheleri, «Qazaqstan alıýmınııi» AQ jáne «Jasyl El» Jastar jasaqtarynyń eriktileri, belsendiler, mentaldy aýytqýlary bar adamdar jáne beı-jaı emes azamattar.

Qatysýshylar Ertis ózeniniń jaǵalaýyn tazalap, 40 qap qoqys jınady.

«Alǵash ret mundaı senbilikti biz 2019 jyly ótkizdik, sodan beri bul biz úshin jaqsy dástúrge aınaldy. Biz mindetti túrde chellendjimizdi jalǵastyramyz jáne aldaǵy ýaqytta áleýmettik jelilerde senbilik týraly habarlap otyramyz. Barlyq nıet bildirýshiler bizben birge qatysa alady. Tabıǵatty baǵalaıyq jáne búldirmeıik. Óıtkeni, bul - bizdiń densaýlyǵymyz ben bolashaq urpaqtyń densaýlyǵy»,- dedi «ARCUS» damý ortalyǵynyń jetekshisi Alına Batareeva.

Uıymdastyrýshylardyń aıtýynsha, bul aktsııa halyqtyń ekologııalyq mádenıetin qalyptastyrýmen qatar, psıhonevrologııalyq aýrýlary bar adamdardyń áleýmettenýine yqpal etedi.

Aıta ketý kerek, aǵymdaǵy jyldyń 24 shildesinde ár óńirde jartastar men sý aıdyndaryn tazartý boıynsha aýqymdy ekoaktsııalar ótedi jáne olarǵa kez kelgen adam qosyla alady.

Marafonǵa #QAIYRYMDYІSTERMARAFONY #MARAFONDOBRYHDEL resmı heshtegterimen áleýmettik jelilerde óz ıgi isterimen bólise otyryp, kez kelgen adam qosyla alady.

Barlyq uıymdastyrýshylyq suraqtar boıynsha úılestirýshilerge kórsetilgen telefon nómerleri boıynsha habarlasýǵa [phone], [phone], nemese Instagram-daǵy @qaiyrymdy_ister_marafony akkaýnty arqyly baılanysqa shyǵýǵa bolady.