Qaıyrymdy ister marafony: Ótken aptada qazaqstandyqtar qandaı ıgi ister atqardy
Kún saıyn búkil el boıynsha belsendi azamattar muqtaj adamdarǵa kómektesip, aınalasyndaǵylarǵa jaǵymdy emotsııalar syılaýda.
Mysaly, Keńes Odaǵynyń batyry Sabyr Rahımov atyndaǵy Shymkenttegi respýblıkalyq «Jas Ulan» mektebiniń kýrsanttary 58 bala tárbıelenip jatqan №3 balalar úıinde senbilik ótkizdi. Kýrsanttar balalarmen birge tańerteńgilik jattyǵý jasap, mekemeniń aýmaǵyn tazalap, abattandyrdy.
«Biz ata-anasynyń qamqorlyǵynsyz qalǵan balalardyń bilim alýyna jáne damýyna únemi óz úlesimizdi qosýǵa tyrysamyz», - dedi Shymkent qalasyndaǵy «Jas ulan» respýblıkalyq mektebiniń bastyǵy, polkovnık Ǵazız Tóleýshev.
Aıta ketý kerek, «Jas Ulan» mektebi men balalar úıiniń arasyndaǵy dostyq qatynas birneshe jyldan beri jalǵasýda. Dástúr boıynsha jyl saıyn áskerı mekteptiń áskerı qyzmetshileri mekemege qoldan kelgenshe kómek kórsetip keledi.
Jambyl oblysynda Qazaqstan halqy Assambleıasy Analar keńesiniń bastamasymen «Іzgilik aıy» qaıyrymdylyq is-sharalar tsıkli jalǵasýda. Halyqtyń osal toptarynan, az qamtylǵan jáne kóp balaly otbasylardan shyqqan balalarǵa arnalǵan qaıyrymdylyq aktsııasyn Eýrazııalyq ekonomıkalyq odaq, «Sana sezim» áıelder bastamalarynyń quqyqtyq ortalyǵy jáne Birikken Ulttar Uıymynyń Balalar qory (ıÝNISEF) qoldady. Oblystyq assambleıa janyndaǵy Analar keńesiniń ókili Lola Davlatova joǵaryda atalǵan qaıyrymdylyq uıymdardyń kómegimen 44 balaǵa kómek kórsetkenderin atap ótti.
«Ár balaǵa 200 myń teńgeniń oqý quraldary men jeke gıgıena zattaryn, ıaǵnı kúndelikti mektep jáne sport kıimderine arnalǵan sómkeler taratyldy», - deıdi assambleıa ókili.
Sonymen qatar, «Sana sezim» áıelder bastamalarynyń quqyqtyq ortalyǵy balalar men ata-analardyń qujattaryn rásimdeýge kómektesýde. Aktsııany uıymdastyrýshylar «Іzgilik aıy» qaıyrymdylyq is-sharalar tsıkli Ramazan aıynyń sońyna deıin jalǵasatynyn aıtady.
Al Batys Qazaqstan oblysynda Bókeı orda aýdanynyń Muratsaı aýylynda A.Qusaıynov atyndaǵy mekteptiń 2001 jylǵy túlekteri jalǵyz basty ana Qanısa Musaǵalıeva baspana syılady.
«Eki balam bar, ekeýi de bastaýysh synypta oqıdy. Ózimizdiń baspanamyz joq edi. Qamqor adamdardyń arqasynda shaǵyn otbasymyzǵa jaramdy úı paıda boldy. Muqtaj jandardyń taǵdyryna beıjaı qaramaıtyn barsha adamdarǵa taǵy da alǵys aıtqym keledi, sizderge úlken raqmet», - dedi Qanısa Musaǵalıeva.
Soltústik Qazaqstan oblysynda «Azamattarǵa arnalǵan úkimet» MK óńirlik fılıalynyń qyzmetkerleri qaraýsyz qalǵan janýarlarǵa baspana usynatyn «Belyı Bım» mekemesine kómek jasady. Eriktilerdiń qarajatyna salynǵan bul orynda 400-den astam ıt bar. Memlekettik kásiporyn qyzmetkerleri 60 keli qurǵaq jem, 20 keli jarma botqasy men shynjyr, qarǵybaý, karabın sııaqty ıt ábzelderin aparyp berdi.
«Biz áleýmettik jelidegi «Belyı Bım» mekemesiniń kómek suraǵan úndeýine ún qosý kerek dep sheshtik. Osy mekemege turaqty kómektesip júrgen eriktilerdiń biri – bizdiń áriptesimiz. Satyp alǵan zattardy sol adam arqyly berip jiberdik. Biz keleshekte de osy uıymǵa kómektese beremiz» - deıdi fılıaldyń HR-menedjeri Ermek Jakın.
Eske sala keteıik, «Qaıyrymdy ister marafony» jalpyulttyq jobasy osy jyldyń aqpan aıynda Memleket basshysy Qasym-Jomart Toqaevtyń bastamasymen Qazaqstan Táýelsizdiginiń 30 jyldyǵyn merekeleý aıasynda bastalǵan bolatyn. Jobanyń eń mańyzdy mindetteriniń biri – qaıyrymdy azamattar men uıymdardyń basyn qosyp, qoǵam ómirin jaqsy jaǵyna ózgertýge múmkindik beretin jomarttyq pen meıirimdilik ıdeıasyna negizdelgen qoǵamdastyqty birge qurý. Marafonǵa kez kelgen adam #QAIYRYMDY ІSTER MARAFONY #MARAFONDOBRYHDEL resmı heshtegteri boıynsha áleýmettik jelide óz ıgi isterimen bólisý arqyly qosyla alady.
Barlyq uıymdastyrýshylyq suraqtary boıynsha úılestirýshilermen myna telefon nómiri +7 7172 22 12 24 boıynsha, nemese ınstagramdaǵy @qaiyrymdy_ister_marafony akkaýnty arqyly baılanysýa alasyzdar.