Qaıyrbek Óskenbaev: Qala turǵyndary úshin táýliktik sý tutyný normasy ázirlenýde

NUR-SULTAN. QazAqparat – Qazaqstanda qala turǵyndary úshin táýliktik sý tutyný normasy ázirlenip jatyr. Bul týraly QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

«Bıyl alǵash ret ilki joba retinde aýyz sýdy esepke alý aspaby bolǵan kezde bir adamǵa táýligine 140 lıtrge deıin ǵana sýdy sýbsıdııalaý boıynsha normatıvtik shekteý belgiledik. Aýyldyq jerdegi árbir turǵynǵa sýdy sýbsıdııalaımyz. Aýyl turǵyndaryna sýdyń tekshe metri sýdy esepke alý aspaby bolǵanda, 30 teńgeni, al aspapsyz 40 teńgeni quraıdy. Keıde bizde sýdyń naqty quny 3 myń teńgege de jetip jatady», - dedi ol Májilistegi dóńgelek ústel barysynda.

Onyń atap ótýinshe, aýyldyń ár turǵynyna táýligine 140 lıtr sý jetkilikti. Eger turǵynnyń bir táýliktegi tutynǵan sý normadan asyp ketse, onda ol sýdyń artyq kólemine kommertsııalyq baǵamen aqy tóleıdi.

«Qazirgi ýaqytta dál osyndaı normatıvtik shekteýdi qala turǵyndary úshinde ázirlep jatyrmyz. Biz adamdarǵa sýdy únemdeýdi, baǵalaýdy úıretýimiz kerek. Atalǵan norma asypketken jaǵdaıda turǵyndar sýmen jabdyqtaý qyzmetine tolyq tarıf tóleıtin bolady», - dedi Qaıyrbek Óskenbaev.