Qaıyrbek Óskenbaev elordadaǵy LRT qurylysyna qatysty pikir bildirdi

ASTANA. QazAqparat – Elordadaǵy LRT qurylysy jobasy Indýstrııa jáne ınfraqurlymdyq damý mınıstrligine tapsyrylmady. Bul týraly Májilistegi Úkimet saǵatynan keıingi baspasóz máslıhatynda atalǵan vedomstvonyń basshysy Qaıyrbek Óskenbaev aıtty, dep habarlaıdy QazAqparat tilshisi.

«Qazirgi kezde bul joba tolyqtaı jergilikti atqarýshy organnyń, ıaǵnı Astana qalasy ákimdiginiń qaraýynda. Ákimdiktiń jaýapkershiliginde tur. Eger jobany mınıstrlikke tapsyrsa, onda LRT qurylysy boıynsha naqty jumys algorıtmin jarıalaımyn. Ázirgi maǵan bul baǵytta tapsyrma júktelmedi», - dedi Q. Óskenbaev.

Budan buryn habarlanǵandaı, bıyl qyrkúıek aıynda QR Qarjy vıtse-mınıstri Tatıana Saveleva elordalyqtardy alańdatqan LRT qurylysyna qarjy qaıdan bólinetinin aıtty.

«Aqsha Úkimet rezervinen bólinbeıtin shyǵar. Indýstrııa jáne ınfraqurylymdyq damý mınıstrligi boıynsha bıýdjettik baǵdarlamalar qaıtadan bólinedi. Tıisti transfertter qosylady. Munyń bári kelesi jyly bıýdjetti naqtylaıtyn kezde bolady. Barlyq qujattama qajetti protsedýralardan ótti. Birqatar kórsetkish qaıta qaraldy. Zańnamanyń búkil talaby saqtaldy. Qazir pysyqtalyp jatyr», - dedi vıtse-mınıstr.