Qaıyrbek Óskenbaev elimizdegi eń jaqsy joldardy atady
NUR-SULTAN. QazAqparat – Indýstrııa jáne ınfraqurylymdyq damý mınıstri Qaıyrbek Óskenbaev Qazaqstan aýmaǵynda qaı avtojoldardyń sapasy jaqsy ekenin aıtty, dep habarlaıdy QazAqparat tilshisi.
Májilistegi parlamenttik tyńdaýdan keıin tilshiler mınıstrden Qazaqstandaǵy eń nashar jáne sapasy joǵary joldar týraly surady.
«Nur-Sultan – Býrabaı, Nur-Sultan – Qaraǵandy eń jaqsy avtokólik joldarynyń biri ekenin ózderińiz bilesizder», - dedi Qaıyrbek Óskenbaev.
Mınıstr jaqyn arada Nur-Sultan – Pavlodar jolynda qurylysy júrip jatqan ýchaskeniń qurylys jumystary aıaqtalatynyn atap ótti.
«Bul ýchaskedegi qurylys jumystaryn aıaqtaǵannan keıin, osy jol da zamanaýı talaptarǵa saı keletin bolady», - dedi vedomstvo basshysy.
Budan buryn habarlanǵandaı, Q.Óskenbaev kólik alýǵa jeńildetilgen paıyzben nesıe berý baǵdarlamasy aıasynda bankter 75 mlrd teńge somasyna ótinimderdi maquldaǵanyn aıtty.
