Qaıyrbek Óskenbaev baspana naryǵyndaǵy monopolııa týraly pikir bildirdi

NUR-SULTAN. QazAqparat – QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynan keıingi brıfıngide baspana naryǵyndaǵy monopolııa týraly pikir bildirdi, dep habarlaıdy QazAqparat tilshisi.

«Bıyl baspana baǵasy arzandadıdy dep aıta alasyz ba? Bul turǵyda naryqtaǵy monopolıstermen qalaı kelispekshisiz?», - dep surady BAQ ókili.

«Eshkim eshkimmen kelisim jasaǵaly jatqan joq. Júıeli sharalar bar. Bul turǵyn úı qurylysy naryǵynda monopolııa bar ma, álde joq pa degen máseleni qadaǵalap otyrmyz. Eger BI Group kompanııasy boıynsha surap tursańyz, baspana baǵytynda onyń elodardadaǵy úlesi – 22,7 paıyz. Almaty qalasy boınysha da úlesi sol shamada – 2,4 mln sharshy metr baspana salynsa, sonyń 300-400 myń sharshy metri tıesili. Bazis te osy shamada baspana qoldanysqa berdi. Biz muny baqylap otyrmyz. Sondyqtan áldebireýdi monopolıst dep aıtýǵa kelmeıtin shyǵar», - dedi mınıstr.

Onyń aıtýynsha, degenmen atalǵan kompanııalar usynyp otyrǵan baǵa boıynsha rasymen de úlken aıyrmashylyq bar.

«Salynǵan turǵyn úı kólemi boıynsha BI Group-tyń úlesi 22,7 paıyz bolsa, baspana qunynyń mólsherinde onyń úlesi 42 paıyz bolyp otyr. ıAǵnı, az salǵanymen aıtarlyqtaı qymbatqa satady. Bul jerde eki nusqa bar. Ne onyń páterleri sapaly suranysqa ıe, ne ol jaqsy menedjer retinde salǵan páterin sata biledi degen sóz. Sondyqtan biz bul máseleni turaqty baqylap otyrmyz. Ári qaraı naryqty monopolııasyzdandyrý úshin birqatar normatıvtik qujat jobalaryn daıyndadyq», - dedi Qaıyrbek Óskenbaev.