Qaıyr suraýmen aınalysqan Atyraý turǵyny qamaýǵa alyndy
ATYRAÝ. QazAqparat - Qaıyrshylyqpen aınalysqan atyraýlyq qamaqqa alyndy, dep habarlaıdy QazAqparat.
Atyraý qalasynyń mamandandyrylǵan ákimshilik sotynda Qazaqstan Respýblıkasynyń ÁQBtK 449-babynyń 2-bóligi («Qoǵamdyq oryndarda tıisý») boıynsha ákimshilik is qaraldy.
«Quqyq buzýshy J. ózine ákimshilik jaza qoldanylǵannan keıin bir jyl ishinde qaıtalap, ıaǵnı 2019 jyldyń 8 naýryzynda saǵat 10.30 shamasynda Atyraý qalasy Sátpaev kóshesinde ornalasqan «Imanǵalı» meshitiniń aldynda jolaýshylarǵa tıisip, qaıyrshylyqpen aınalysqan», dep habarlady Atyraý qalasynyń mamandandyrylǵan ákimshilik sotynyń baspasóz qyzmetinen.
Aıta ketelik, sot J-ny ákimshilik quqyqbuzýshylyq jasaǵany úshin kináli dep tanyp, oǵan ákimshilik jaza retinde 1 táýlikke qamaqqa alý jazasyn taǵaıyndady.
