Qaıyr surap júrgen 8 bala arnaıy ortalyqqa aparyldy - Aqtóbe
AQTÓBE. QazAqparat – Aqtóbeniń Hromtaý jáne Qandyaǵash qalalarynda qaıyr surap júrgen jasóspirimder anyqtaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Kámeletke tolmaǵandardyń quqyǵyn qorǵaý maqsatynda óńirde «Qaıyrshy» jedel aldyn alý sharasy ótti. Polıtsııa qyzmetkerleri bilim jáne áleýmettik qorǵaý organdarymen birlesip kóshe aralady. Aktsııaǵa 376 polıtsııa qyzmetkeri qatysty. Olar bazar, vokzal, meshitterdi, saýda úılerin tekserdi. Nátıjesinde kóshede bos júrgen 8 bala kámeletke tolmaǵandardy beıimdeý ortalyǵyna ornalastyryldy.
«Hromtaý jáne Qandyaǵash qalasynda qaıyr sadaqa suraǵan 4 fakti anyqtaldy. Qaıyrshylyq faktisi boıynsha zańdy ókilderge qatysty materıaldar jınalyp, kámeletke tolmaǵandardyń quqyqtaryn qorǵaý jónindegi komıssııaǵa jiberildi. Ata-analary ÁQBtK-niń 449 baby (qoǵamdyq oryndarda ustaý, suraý salǵany úshin) jáne ÁQBtK-niń 127 baby (tárbıeleý jáne bilim berý mindettemeleriniń oryndalmaýy) boıynsha ákimshilik jaýapkershilikke tartyldy», - dedi oblystyq PD baspasóz qyzmetiniń jetekshisi Erbolat Sarqulov.
