Qaıyr suraǵan Ózbekstan azamatshasy elden qýyldy
KÓKShETAÝ. QazAqparat - Kókshetaý qalasynda qoǵamdyq oryndarda qaıyr surap, turǵyndardyń mazasyn alǵan Ózbekstan Respýblıkasynyń azamatshasy el aýmaǵynan shyǵaryldy, dep habarlaıdy QazAqparat tilshisi.
Aqmola oblystyq ІІD baspasóz qyzmetiniń málimetinshe, Ózbekstan azamatshasy uzaq ýaqyt boıy Kókshetaý qalasynyń qoǵamdyq oryndarynda qaıyr surap kelgen. Kelinshekti arnaıy reıd barysynda qalalyq ІІB kóshi-qon polıtsııasynyń qyzmetkerleri ustaǵan.
«Shetel azamatshasynyń QR ÁQbK 449-babynyń 3-bóligi boıynsha ákimshilik quqyq buzýshylyq jasaǵany anyqtaldy. Sondyqtan ol dereý el aýmaǵynan shyǵaryldy», - dep túsindirdi ІІD-niń baspasóz qyzmetinen.
Eske sala keteıik, jyl basynan beri halyqtyń kóship-qonýyna baılanysty QR zańnamasyn buzǵan 4 115 shetel azamaty ákimshilik jaýapkershilikke tartyldy. Onyń 3 719-ynyń Qazaqstan Respýblıkasy aýmaǵynan shyǵý merzimi ótip ketkeni, al 396 sheteldiktiń zańsyz jumys istep júrgeni anyqtaldy.
