Qaıyn enesin órtep jibergen kúıeý bala 15 jylǵa sottaldy - Aqmola oblysy
KÓKShETAÝ. QazAqparat - Aqmola oblysynda qaıyn enesin tirideı órtegen er adam 15 jylǵa bas bostandyǵynan aıyryldy. Oǵan qosa, zardap shekken tarapqa 1 mıllıon teńge kóleminde ótemaqy tóleýge mindetteldi, dep habarlaıdy QazAqparat tilshisi.
Aqmola oblystyq soty baspasóz qyzmetiniń deregi boıynsha, Aqmola oblystyq qylmystyq ister jónindegi mamandandyrylǵan aýdanaralyq sotynda 1961 jylǵy E. Baımýrzınge qatysty qylmystyq is qaraldy.
Sotta belgili bolǵandaı, qaıǵyly oqıǵa 2017 jyldyń 12 qyrkúıeginde Býrabaı aýdanynyń Şýchınsk qalasynda bolǵan. Sottalýshy E. Baımýrzın úıinen ketip qalǵan áıeli men balasyn alyp ketý úshin qaıyn enesiniń úıine barǵan. Alaıda, qaıyn enesi ishimdikke toıyp alǵan kúıeý balasyna esik ashpaı qoıǵan. Ashýǵa býlyqqan er adam enesiniń úıiniń kire berisine benzın shashyp, órt qoıaǵan. Úıdegi adamdar dalaǵa júgirip shyǵyp, qyzyl jalyndy sóndire bastaıdy. Osy kezde enesi kúıeý balasynyń basynan kóseýmen urǵan. Jaýap retinde E. Baımýrzın áıeldiń ústine benzın quıyp, ony órtep jibergen.
Saldarynan denesin 40 paıyz, 2, 3 A, B dárejedegi kúıik shalǵan áıel kóp uzamaı aýrýhanada kóz jumady.
Osyǵan oraı, Aqmola oblystyq qylmystyq ister jónindegi mamandandyrylǵan aýdanaralyq sotynyń sheshimimen er adamǵa 15 jylǵa bas bostandyǵynan aıyrý jáne zardap shekken jaqqa 1 mıllıon teńge kóleminde ótemaqy tóleý jazasy taǵaıyndady», - dep túsindirdi sottyń baspasóz qyzmetindegiler.
