Qaıyń aǵashynan ydys jasaý - sheber qupııasymen bólisti

PETROPAVL. QazAqparat - Petropavldaǵy etnoaýylda Esil aýdanynan kelgen sýretshi-sheber Ǵabıt Temirbekov aǵash ydys jasaý boıynsha sheberlik synybyn ótkizdi, dep habarlaıdy «QazAqparat» HAA tilshisi.

Ǵabıt Temirbekov ádettegi aǵashtardan qazaqtyń ulttyq ydystaryn, kámpıt, nan, qaryndash salǵyshtardy jasaıdy.

Ǵ.Temirbekov ydys-aıaq jasaý úshin qaıyńdy qoldanady.

«Kesek otyndy úıge alyp kelip, olardan ne jasaıtynymdy kórip turamyn. Kúzde jylytý úshin otyn alyp kelgende, mindetti túrde birneshe qyzyqty shórkeler kezigedi», - dedi ol.

Sheberdiń ydystar jasaıtyn qural-saımandary óte kóp.  Eń qıyn ári uzaq jumys - aǵashtardy tegisteý. Ol minsiz tegis bolýy kerek. Keıin Ǵ.Temirbekov ydystarǵa aranyń balaýyzyn sińirip qoıady, eshqandaı hımııalyq zattardy qoldanbaıdy. 

«Sýly jylytqyshpen balaýyzdy eritip, keıin oǵan zyǵyr matasyn malyp, ydysty súrtemin. Bul ydystardy urpaqtan urpaqqa berýge bolady - oǵan eshteńe bolmaıdy», - dep kúldi sheber.

Ǵ.Temirbekov qalyńdyǵy bir santımetr jáne odan da qalyń ydysty aldyn ala tuzdy sýǵa qaınatady. Sonda aǵash ajyramaı, kóp jylǵa shydamdy bolady.