Qaıyń aǵashyn kesken SQO turǵyny 400 myń teńge aıyppul tóleıdi
PETROPAVL. QazAqparat - Soltústikqazaqstandyq polıtsııa qyzmetkerleri ekologııalyq qylmys derekteri boıynsha jyl basynan beri 88 qylmystyq is qozǵady, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Olardyń basym bóligi - 81 oqıǵa - zańsyz aǵash kesý. Solardyń biri taıaýda Shal aqyn aýdanynda boldy. Orman sharýashylyǵy jumysshylary ormanda aýqymdy kólemde aǵash kesilgenin anyqtaǵan. 91 qaıyń kesilgen. Mańaıdaǵy belgiler aǵashtardyń sońǵy úsh kún ishinde kesilgendigin aıǵaqtady. Habarlama alǵan polıtsııa qyzmetkerleri tutas aýdandy tekserýge kiristi. Jedel aqparat olardy iri kólemdi aǵash saýdasy ornyna ákeldi.
«Satýshy» 1966 jylǵy Sergeevka qalasynyń turǵyny bolyp shyqty. Eki kún ishinde aǵashtardy kesip, barlyq qajetti ruqsat qujattarynyń baryna sendirgen ol eki jumysshyny jaldap alǵan. Solardyń kómegimen áreketshil aǵash kesýshi 167 myń teńgege 32 sharshy metr otyndy saýdalap úlgergen», - dedi baspasóz qyzmeti.
Soltústikqazaqstandyq sot aldynda QR Qylmystyq kodeksiniń 240 bap 1 tarmaǵy «Zańsyz aǵash kesý» boıynsha 200 aılyq eseptik kórsetkishke deıingi aıyppul tóleý sanktsııasymen jaýapqa tartylady.
Jyl basynan beri oblysta tabıǵatty qorǵaý zańnamasyn buzýshylyq boıynsha 537 oqıǵa anyqtaldy. Ań jáne balyq aýlaý erejelerin buzý boıynsha 240 jáne 209 adam ákimshilik jaýapkershilikke tartyldy.
