Qaıyqtan aýdarylǵan turǵyn Aral teńizine batyp ketti
QYZYLORDA. QazAqparat - Qyzylorda oblysyndaǵy Kishi Aral teńizi aýmaǵynda 43 jastaǵy azamat motorly qaıyqtan aýdarylyp, sýǵa batyp ketti, dep habarlaıdy QazAqparat tilshisi.
Oqıǵa 7 shildede saǵat Kishi Aral teńizi aýmaǵynda bolǵan. Ol Aqespe aýylynan 3 shaqyrymdaı qashyqtyqta ornalasqan. 1978 jylǵy azamat saǵat 16.00-de motorly qaıyqpen ketip bara jatqan sátinde teńizge batyp ketken.
«Oqıǵa ornyna oblystyq tótenshe jaǵdaılar departamenti órt sóndirý qyzmetiniń jedel-qutqarý jasaǵynan 4 qutqarýshy men 1 tehnıka bardy. Sýǵa ketken azamat izdestirilýde», - dedi oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamany Álııa Erejepova.
Eske salsaq, budan buryn qutqarýshylar búgin 31 jastaǵy azamattyń denesin Qyzylorda qalasy tusyndaǵy Syrdarııa ózeniniń betinde qalqyp júrgen jerinen taýyp aldy.
Aıta ketsek, jyl basynan beri oblystyń sý aıdyndarynda 35 adam sýǵa ketip kóz jumdy. Onyń ishinde 20 bala.
