Qaıyǵy buzylǵan teńizshi ashyq muhıtta 7 aı qalyp qoıdy
ASTANA. QazAqparat - Reıýnon aralynyń jaǵalaýynan buzylǵan qaıyqpen Úndi muhıtynda jeti aı júzgen er adam qutqaryldy, dep jazady Telegraph .
56 jastaǵy Zbıgnev Reket 20 mamyrda Komor araldarynan Ońtústik Afrıkanyń Dýrban qalasyn betke ala ashyq teńizge shyqqan. Ushy-qıyry joq muhıtta kemeniń qozǵaltqyshy isten shyǵyp, jel men tolqynnyń aǵyzǵan jaǵyna qaraı kete barady.
«Men kemeni basqara almaıtyn edim. Qýatty tolqyndar aldymen Somalı jaǵalaýlaryna, keıin Maldıv araldary jaqqa, Indonezııaǵa áketti, odan keıin Mavrıkııge qaraı tartty, aqyr sońynda Reıýnonǵa baryp tireldim. Kóp márte Jerdi kórdim, biraq jete almaı júrdim», - deıdi teńizshi.
Saıahatshynyń eshqandaı baılanys quraldary bolmaǵan, budan tys, tek bir aıǵa jetetin jolazyǵy bar teńizshi baǵdardan adasqan soń balyq aýlap, jańbyr sýyn iship kún keshýge májbúr bolǵan.
Muhıttyń erkine baǵynǵan, alaıda ábden qaljyrap ketken teńizshi 25 jeltoqsan kúni qutqaryldy.
