Qaıtys bolǵan, qımas adamnyń ıisin saǵynbas úshin jańa ıissý oılap tabyldy
ASTANA. QazAqparat - Frantsııanyń Gavra ýnıversıteti ǵalymdarymen birlese otyryp, Katıa Apalategı esimdi áıel erekshe ıissý túrin oılap tapty, dep jazady Inquisitr.
Iissý jańa tehnologııa arqyly qaıtys bolǵan jaqyn, qımas adamnyń ózine tán ıisinen daıyndalady. Buǵan deıin adamnyń ózindik ıisin ózge zatqa sińirý arqyly ǵylymı jańalyq ashqan JOO ǵalymdary jańa ıissýdyń naqty tehnologııasy týraly «qupııany» ashpaı otyr. Tek, belgili bolǵany - ıissýdy daıyndaýǵa qaıtys bolǵan adamnyń teri sińgen kıimi, kóılegi bolsa, jeterlik. Óıtkeni, adamnyń ózine tán ıisin olar kıimnen alatyn júzdegen molekýlalar arqyly qalyptastyrmaq. Bir ónimdi daıyndaýǵa tórt kún ýaqyt kerek. Iissý quny 600 dollar bolmaq. Ákesiniń óliminen keıin onyń ıisin saǵynǵannan ǵylymı jańalyqty saýda aınalymyna engizgen Katıa ıissý qaıtys bolǵan adamdy eske túsirip, saǵynyshtyń maýqyn basýǵa kómektesedi dep otyr.
