Qaıtys bolǵan «Ekspress K» gazeti bas dırektorynyń denesi Úndistannan Almatyǵa 25 naýryzda jetkiziledi
ASTANA. QazAqparat - Úndistanda qaıtys bolǵan belgili jýrnalıst, «Ekspress K» gazetiniń bas dırektory Alekseı Pannyń denesi, aldyn ala málimetter boıynsha, Almatyǵa 25 naýryzda jetkiziledi. Bul týraly QR Syrtqy ister mınıstrliginiń baspasóz qyzmeti habarlady.
Qazirgi kezde Úndistandaǵy Qazaqstan Elshiligi qaıtys bolǵan otandasymyzdy ákelý úshin qajetti qujattardy rásimdeýmen aınalysýda.
«Teńizge batyp bara jatqan balalardy qutqarý ústinde kóz jumǵan respýblıkamyzdaǵy baıyrǵy «Ekspress K» gazeti dırektorlar keńesiniń tóraǵasy Alekseı Pannyń otbasyna jáne týystaryna shynaıy jáne qatty qaıǵyryp, kóńil aıtamyz», - delingen syrtqy saıasat vedomstvosynyń habarlamasynda.
