Qaıtys bolǵan 843 myń adamnyń atynda jyljymaıtyn múlik bar

NUR-SULTAN. QazAqparat - Qaıtys bolǵan 843 myń adamnyń atyna áli kúnge jyljymaıtyn múlik tirkelgen. Bul týraly búgin Úkimet otyrysynda «Salyq jáne kedendik ákimshilendirý» taqyrybynda baıandama jasaǵan QR Premer-Mınıstriniń Birinshi orynbasary – Qarjy mınıstri Álıhan Smaıylov aıtty, dep habarlaıdy QazAqparat tilshisi.

«Jyljymaıtyn múlik tizilimi» aqparattyq júıesindegi jyljymaıtyn múlik boıynsha óńdelgen 17,3 mln málimetterdiń 2,6 mln málimeti jańartylyp, retke keltirildi, - dedi ol.

Osy rette birinshi vıtse-premer qaıtys bolǵan múlik ıeleri boıynsha 843 myń qate jazbalar anyqtalǵanyn aıtty.

«Osyǵan baılanysty Indýstrııa jáne ınfraqurylymdyq damý mınıstrligi jergilikti atqarýshy organdarmen birlesip, qaıtys bolǵan jáne Qazaqstan Respýblıkasynan tys jerlerge ketken adamdarǵa tıesili ıesiz múlikti ıesiz dep taný máselesin pysyqtaý kerek»qo, - dedi Á.Smaıylov.