Qaıtyp bara jatqan órt sóndirýshilerdi kórgende jylap jibere jazdadym – Áýlıekól turǵyny

QOSTANAI. QazAqparat – Qostanaı oblysynyń turǵyny Áýlıekól aýdanyndaǵy alapat órtti sóndirip, úıine qaıtyp bara jatqan qutqarýshylarǵa alǵysyn aıtty, dep habarlaıdy QazAqparat tilshisi.

Turǵynnyń aıtýynsha, qyzyl jalynmen kúreske jumyldyrylǵan órt sóndirýshler jumysyn aıaqtap, astanaǵa qaraı jolǵa shyqqan.

«Jańa myna jerden 10-ǵa jýyq úlken órt sóndirý kóligi ótti. Mynaý - Baǵanaly jaqtan astanaǵa baratyn jol. Osy jolmen sırena qosqan 10 shaqty kólik ketti. Olardyń ketip bara jatqanyn kórgende, qýanǵanymnan jylap jibere jazdadym. Mine, Tımofeev jaqtaǵy burylystan taǵy eki órt sóndirý kóligi kele jatyr. Joldaryń bolsyn, aman-esen úılerińe jetińder! Alla barshańyzǵa baqytty ǵumyr násip etsin. Bular da jap-jas bireýdiń balasy, bireýdiń aǵasy. Bizge kómekteskenderińiz úshin rızamyz, uzaq ǵumyr tileımiz», - dep jyly lebizin bildirdi Qostanaı oblysynyń turǵyny.

Eske salaıyq, Áýlıekól aýdanyndaǵy órtti sóndirýge TJM, ІІM, UU jáne Qorǵanys mınıstrliginiń 224 tehnıkasy, 7 áýe kemesi, 5 órt sóndirý poıyzy men 2193 adam jumyldyrylǵan bolatyn.

Buryn habarlaǵanymyzdaı, Qostanaı oblysyna basqa óńirden kelgen órt sóndirýshiler búginde úıine qaıtyp jatyr.

Qosa ketsek, birneshe kún buryn áleýmettik jelilerde Qostanaı oblysyndaǵy qyzyl jalynmen kúresten keıin úrlemeli qapta uıyqtap jatqan órt sóndirýshilerdiń sýreti jarııalanǵan edi.

Ol joly jeli qoldanýshylary bul jarııalanymdy qyzý qoldap, qutqarýshylarǵa izgi tilekterin jazǵan bolatyn.

Vıdeodan alyn ǵ an kadr