«Qaıtys bolǵan adamdarǵa qyzmet «kórsetken»: Pavlodarda medıtsına salasynda zańbuzýshylyq anyqtaldy
ASTANA.KAZINFORM - Pavlodar qalasynyń prokýrorlary halyqqa medıtsınalyq kómek kórsetýge arnalǵan «Áleýmettik medıtsınalyq saqtandyrý qory» KEAQ-tyń bıýdjet qarajaty men aktıvteriniń jumsalýyna júrgizilgen tekserý barysynda jalǵan qyzmet kórsetý faktilerin anyqtady.
Oblystyq prokýratýra málimetinshe, nevropatolog, kardıolog, hırýrg, psıholog jáne basqa da tar beıindi mamandardyń qabyldaýlary qaıtys bolǵan adamdarǵa, akýsher-gınekolog dárigerdiń konsýltatsııalary er adamdarǵa «kórsetilgen». Emdeý qyzmetterin qaıtalaý arqyly qosarlanǵan tólem jasaý jaǵdaılary tirkeldi.
Sondaı-aq tıisti maman sertıfıkattary men ruqsat qujattary joq tulǵalardyń halyqqa medıtsınalyq kómek kórsetkeni anyqtaldy.
Qadaǵalaý aktileri boıynsha zań buzýshylyqtardy joıý, ruqsat berý qujattaryn alý jáne kináli tulǵalardy zańnamada belgilengen jaýaptylyqqa tartý jumystary júrgizilip jatyr.
Qabyldanǵan sharalar nátıjesinde 100 mln teńgeden astam somaǵa keltirilgen zalaldyń ótelýi qamtamasyz etildi.
Sot qaraýynda medıtsına salasynda zańsyz kásipkerlik qyzmetti júzege asyrý arqyly 62 mln teńge kóleminde memlekettik qarajatty jymqyrý jáne 41 mln teńge kóleminde memleketke zalal keltirý faktileri boıynsha eki qylmystyq is bar.
Aıta keteıik, Densaýlyq saqtaý mınıstrligine DDSU tizimindegi dárilerdi tirkeý quzyreti beriledi.
