Qaıtarymsyz grantty maqsatsyz jumsaǵan 23 shymkenttik jaýapqa tartyldy
Shymkent qalasynyń jumyspen qamtý jáne áleýmettik qorǵaý basqarmasynyń basshysy Balmarjan Narbekovanyń aıtýynsha, barlyq 23 azamat jaýapkershilikke tartylyp, berilgen grant qarjysy tolyǵymen memleketke qaıtaryldy.
Sondaı-aq B.Narbekovanyń málimetinshe, Shymkentte qalalyq jumyspen qamtý jáne áleýmettik qorǵaý basqarmasy qyzmetkerleriniń atyn jamylyp alaıaqtyq jolmen aqsha tabatyn azamattar kóbeıgen. Osy rette, qaıtarymsyz memlekettik grant alyp berý, «Bıznes bastaý» kásipkerlik negizderinde oqytatyn kýrstarǵa aqyly túrde azamattardy tirkeý faktileri de jıilegen.
«Alaıaqtar ózderin memlekettik organ qyzmetkerleri retinde tanystyrǵan. Nátıjesinde birqatar qala turǵyny aldanyp, jumyspen qamtý jáne áleýmettik basqarmasyna, aýdandyq ishki ister bólimshelerine aryzdaryn jazýda. Bul rette, qala turǵyndaryn mundaı is-áreketterge barmaýǵa, alaıaqtarǵa aldanbaýǵa shaqyramyz», - dedi Shymkent qalasynyń jumyspen qamtý jáne áleýmettik qorǵaý basqarmasynyń basshysy Balmarjan Narbekova.
