Qaıtarylǵan jerler aýyl turǵyndaryna mal jaıýǵa beriledi – AShM

ASTANA. QazAqparat – Aýyl sharýashylyǵy mınıstriniń mindetin atqarýshy Erbol Qarashókeev bıyl qosymsha 5 mln gektar aýyl sharýashylyǵy jerin qaıtarý jospary týraly aıtty, dep habarlaıdy QazAqparat tilshisi.

«Memleket basshysynyń tapsyrmasy boıynsha bizdiń mınıstrlik paıdalanylmaıtyn aýyl sharýashylyǵy jerlerin keri qaıtarý jumysyn jalǵastyrady. Bıyl qosymsha 5 mln gektar aýyl sharýashylyǵy jerin qaıtarý josparlanyp otyr. Qaıtarylǵan jerler birinshi kezekte aýyl halqynyń mal jaıý muqtajyn óteýge bólinedi», - dedi Erbol Qarashókeev Úkimet otyrysynda baıandama jasaı otyryp.

Sondaı-aq, mınıstrdiń mindetin atqarýshy aýyl turǵyndarynyń tabysyn arttyrý sharalaryn baqylaıtyn arnaıy jobalyq keńse qurylǵanyn aıtty.

«Amanat» partııasynyń janynan «Aýyl amanaty» arnaıy jobalyq keńsesi quryldy. Ol mınıstrlikpen birlesip, aýyl halqynyń tabysyn arttyrý baǵdarlamasynyń sapaly iske asyrylýyn baqylap, qadaǵalaıdy», - deıdi E.Qarashókeev.

Buǵan deıin habarlaǵanymyzdaı, elimizde jemshópti arzan baǵada satatyn kooperatıv qurylmaq.