Qaıtarylǵan «Taısoıǵan», «Jaman taý» jáne «Saryshaǵan» jer telimderi munaı-gaz sektoryna paıdalanylatyn bolady

ASTANA. QazAqparat - Qazaqstan Respýblıkasynyń Prezıdenti N.Á. Nazarbaevtyń tapsyrmasymen Reseıge jalǵa berilgen áskerı-synaq polıgondar aýmaǵynyń bóligin qaıtarý týraly kelisimshart ázirlendi.

Sonymen qatar atalǵan nysandardy jalǵa alý jáne paıdalaný tártibi týraly Qazaqstan Respýblıkasy men Reseı Federatsııasy arasyndaǵy kelisimshartqa ózgertýler men tolyqtyrýlar engizildi.

Osyǵan oraı, polıgondardyń koordınattary ózgerip, ol óz kezeginde polıgon aýmaǵynyń qysqarýyna negiz boldy.

Bul sheshim Qazaqstan Respýblıkasynyń ekonomıkalyq múddelerine baılanysty qabyldandy. Osylaısha, «Taısoıǵan», «Jaman taý» jáne «Saryshaǵan» jer telimderi halyq sharýashylyǵy ıgiligine qaıtarylyp, munaı-gaz sektoryna, turǵyn-úı qurylysyna, temir jáne kólik joldaryn salýǵa jáne basqa qajettilikterge paıdalanylatyn bolady.

Atalǵan kelisimge Máskeý qalasynda eki eldiń qorǵanys salalarynyń basshylary qol qoıdy.