Qaıtarylǵan qarajat esebinen Aqtóbe oblysynda jańa dárigerlik ambýlatorııalar salyndy
ASTANA. KAZINFORM – Jańa medıtsınalyq nysandar 50 kelýshini qabyldaýǵa arnalǵan. Bul aýyl turǵyndaryna aýdan ortalyǵyna barmaı-aq, jergilikti jerde alǵashqy medıtsınalyq-sanıtarlyq kómek alýǵa múmkindik beredi.
Memleket basshysynyń tapsyrmasyna sáıkes prokýratýra organdarymen zańsyz ıemdelingen aktıvterdi qaıtarý esebinen elimizde kóptegen áleýmettik nysan salynyp, paıdalanýǵa berilip jatyr.
Osynyń sheńberinde Aqtóbe oblysy Shalqar aýdany Sarysaı jáne Shoqysý aýyldarynda jańa dárigerlik ambýlatorııalardyń ashylý saltanaty ótti. Іs-sharaǵa Shalqar aýdanynyń ákimi, aýdan prokýrorynyń orynbasary, memlekettik organdardyń, qoǵam ókilderi jáne jergilikti turǵyndar qatysty.
Jańa medıtsınalyq nysandar 50 kelýshini qabyldaýǵa arnalǵan. Bul aýyl turǵyndaryna aýdan ortalyǵyna barmaı-aq, jergilikti jerde alǵashqy medıtsınalyq-sanıtarlyq kómek alýǵa múmkindik beredi.
Dárigerlik ambýlatorııalarda turǵyndarǵa kórsetiletin qyzmetter, dıagnostıkalyq qural-jabdyqtar, bilikti mamandardyń jumysy — barlyǵy da turǵyndardyń densaýlyǵyn jaqsartýǵa baǵyttalǵan.
Bul jobany iske asyrý aýyl halqynyń ál-aýqaty men densaýlyǵyna degen memleket qamqorlyǵynyń aıǵaǵy.
Aıta ketelik qaıtarylǵan aktıvter esebinen Jetisý oblysynyń turǵyndary aýyzsýmen qamtamasyz etilgen edi.